Jannoo 13:3 - Yn Conaant Noa 1810

³ As tra v’ad er hrostey as er ghoaill padjer, as er lhie nyn laueyn orroo, hug ad ad ersooyl.

Yn Vible Casherick 1775 1819

³ As tra v’ad er hrostey as er ghoaill padjer, as er lhie nyn laueyn orroo, hug ad ad ersooyl.

Jannoo 13:3 Iomraidhean Croise

Noo Luke 2:37

As v’ee ny ben‐treoghe mysh kiare‐feed as kiare bleeaney dy eash, as v’ee dy kinjagh taaghey yn chiamble, shirveish Jee lesh trostey as padjeryn oie as laa.

Jannoo 1:24

As ghow ad padjer, as dooyrt ad, Uss, Hiarn, ayd ta fys cre t’ayns cree dy chooilley ghooinney, soilshee quoi jeh’n jees shoh t’ou er reih.

Jannoo 13:2

As myr v’ad shirveish gys y Chiarn as trostey, dooyrt y Spyrryd Noo, Reih‐jee magh dooys Barnabas as Saul, son yn obbyr huggey ta mee er n’eamagh ad.

Jannoo 13:4

Myr shoh currit magh liorish y Spyrryd Noo jimmee ad gys Seleucia; as veih shen hiauill ad gys Cyprus.

Jannoo 14:23

As tra v’ad er n’oardaghey shirveishee ayns ooilley ny kialteenyn, as er ghoaill padjer lesh trostey, ren ad y hymney ad gys y Chiarn, ayn v’ad er chredjal.

Jannoo 14:26

As veih shen ghow ad lhuingys gys Antioch, voish v’ad er ve chymnit gys grayse Yee, son yn obbyr v’ad dy chooilleeney.

Jannoo 15:40

As reih Paul Silas, as jimmee eh roish, erreish da v’er ny hymney gys grayse Yee liorish ny braaraghyn.

Jannoo 6:6

Ad shoh hoie ad kiongoyrt rish ny ostyllyn: as tra va’d er ghoaill padjer, hug ad nyn laueyn orroo.

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Romanee 10:15

As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!

1 Timothy 4:14

Ny bee mee rioosagh jeh’n ghioot t’aynyd, va er ny chur dhyt liorish phadeyrys, tra hie oo fo laueyn ny shirveishee casherick.

1 Timothy 5:22

Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.

2 Timothy 1:6

Shen‐y‐fa ta mee coyrt oo ayns cooinaghtyn, dy jean oo greesaghey seose gioot Yee, ta aynyd, liorish coyrt my laueyn ort.

2 Timothy 2:2

As ny reddyn t’ou er chlashtyn voym’s roish ymmodee feanishyn, cur uss ayns treishteil deiney firrinagh, vees fondagh dy ynsaghey feallagh elley myrgeddin.

3 Ean 1:6

T’er n’ymmyrkey feanish jeh dty ghiastyllys kiongoyrt rish yn agglish: ad my ver oo er nyn doshiaght er nyn yurnah lurg aght creestee, nee oo dy mie:

3 Ean 1:8

Shen‐y‐fa lhisagh shin oltaghey‐bea ’choyrt da nyn lheid, dy vod mayd ve fir‐choonee gys yn irriney.