Jannoo 1:4 - Yn Conaant Noa 1810

⁴ As choud as va’d ooilley cooidjagh mârish, doardee eh daue gyn ad dy gholl veih Jerusalem, agh ad dy arkiaght son gialdyn yn Ayrey, yn gialdyn cheddin (as eshyn) ta shiu er chlashtyn voym’s.

Yn Vible Casherick 1775 1819

⁴ As choud as v’ad ooilley cooidjagh mârish, doardee eh daue gyn ad dy gholl veih Jerusalem, agh ad dy arkiaght son gialdyn yn Ayrey, yn gialdyn cheddin (as eshyn) ta shiu er chlashtyn voym’s.

Jannoo 1:4 Iomraidhean Croise

Noo Mian 10:20

Son cha nee shiuish ta loayrt, agh spyrryd yn Ayr eu ta loayrt ayndiu.

Noo Luke 11:13

My ta toiggal er‐y‐fa shen euish, ta olk, kys dy choyrt giootyn mie da nyn gloan; cre‐woad smoo nee yn Ayr flaunyssagh eu yn Spyrryd Noo y choyrt dauesyn ta jannoo aghin huggey?

Noo Luke 12:12

Son ynsee yn Spyrryd Noo diu, ayns yn oor cheddin cre lhisagh shiu y ghra.

Noo Luke 24:49

As cur‐my‐ner, ver‐yms hiu gialdyn my Ayrey: agh fuirree‐jee ayns ard‐valley Yerusalem, derrey vees shiu coamrit lesh pooar veih’n yrjid.

Noo Ean 14:16

As guee‐yms gys yn Ayr, as ver eh hiu Fer‐gerjagh elley dy hannaghtyn mêriu son dy bragh.

Noo Ean 15:26

Agh tra vees Fer‐ny‐gherjagh er jeet, eh ver‐yms hiu veih yn Ayr, ta shen, Spyrryd ny firriney, ta cheet magh veih yn Ayr, nee eh feanish y ymmyrkey jeem’s.

Noo Ean 20:22

As tra v’eh er ghra shoh, heid eh orroo, as dooyrt eh roo, Gow‐jee yn Spyrryd Noo.

Noo Ean 7:39

(Agh shoh loayr eh jeh’n Spyrryd, v’adsyn va credjal ayn ry‐hoi gheddyn: son cha row yn Spyrryd Noo foast er ny choyrt, er‐yn‐oyr nagh row Yeesey foast er ny ghloyraghey.)

Jannoo 10:41

Cha nee da ooilley yn pobble, agh da feanishyn va reiht ro‐laue liorish Jee, dy jarroo dooinyn ren gee as giu mârish, erreish da v’er n’irree veih ny merriu.

Jannoo 2:33

Shen‐y‐fa myr t’eh er ny ghoaill seose liorish laue‐yesh Yee, as er gheddyn veih yn Ayr gialdyn yn Spyrryd Noo, t’eh er gheayrtey magh shoh ta shiuish nish fakin as clashtyn.