Jamys 5:10 - Yn Conaant Noa 1810

¹⁰ My vraaraghyn, gow‐jee ny phadeyryn, t’er loayrt ayns ennym y Chiarn, son sampleyr jeh surranse seaghyn, as jeh meenid.

Yn Vible Casherick 1775 1819

¹⁰ My vraaraghyn, gow-jee ny phadeyryn, t’er loayrt ayns ennym y Chiarn, son sampleyr jeh surranse seaghyn, as jeh meenid.

Jamys 5:10 Iomraidhean Croise

Noo Luke 13:34

O Yerusalem, Yerusalem, ta cur dy baase ny phadeyryn, as dyn glaghey adsyn te’r nyn goyrt er chaghteraght hood: cre cha mennick as va mish aggindagh v’er haglym dty chloan cooidjagh, myr ta kiark clussaghey e aalagh fo my skianyn, agh cha bailliu shen!

Noo Luke 6:23

Bee‐jee dy ghien mie ayns y laa shen, as lheim‐jee son boggey: son cur‐my‐ner, s’mooar ta nyn leagh ayns niau: son er yn aght cheddin ren ny shenn‐ayryn oc rish ny phadeyryn.

Jannoo 3:21

Eshyn ta dy ve ayns niau, derrey earishyn lhiassaghey dy chooilley nhee, ta Jee er loayrt liorish beeal ooilley e adeyryn crauee, er‐dy hoshiaght y theihll.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro‐laue jeh cheet yn Ercairagh, eh ta shiuish nish er vrah as er ghunverys:

Hebrewnee 13:7

Cooinee‐jee orroosyn t’er n’ymmyrkey reill harrystiu, t’er loayrt riu goo Yee: geiyrt er y chredjue oc, smooinaghtyn er jerrey nyn ymmyrkey‐bea.

Jamys 4:11

Ny loayr‐jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

Jamys 5:13

Vel unnane erbee ny mast’ eu ayns seaghyn? lhig da padjer y ghoaill. Vel fer erbee gennal? lhig da arraneyn‐moyllee ’ghoaill.

Jamys 5:7

Fark‐jee er‐y‐fa shen, vraaraghyn, derrey cheet y Chiarn. Cur‐my‐ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.

Jamys 5:9

Ny gow‐jee sproght goanlyssagh ry‐cheilley, vraaraghyn, er‐aggle dy bee shiu er nyn gheyrey: cur‐my‐ner ta’n briw shassoo ec y dorrys.