Jamys 2:18 - Yn Conaant Noa 1810

¹⁸ Agh foddee fer gra, Ta credjue ayd’s, as ta obbraghyn aym’s: jeeagh dooys yn credjue ayd’s fegooish dty obbraghyn, as jeeagh‐yms dhyts yn credjue aym’s liorish my obbraghyn.

Yn Vible Casherick 1775 1819

¹⁸ Agh foddee fer gra, Ta credjue ayd’s, as ta obbraghyn aym’s: jeeagh dooys yn credjue ayd’s fegooish dty obbraghyn, as jeeagh-yms dhyt’s yn credjue aym’s liorish my obbraghyn.

Jamys 2:18 Iomraidhean Croise

Romanee 14:23

As t’eshyn ta fo dooyt, er ny gheyrey my t’eh gee, er‐y‐fa nagh vel eh gee ayns credjue: son cre‐erbee nagh vel veih credjue, te peccah.

Romanee 3:28

Shen‐y‐fa ta shin briwnys, dy vel dooinney er ny heyrey liorish credjue fegooish obbraghyn y leigh.

Romanee 4:6

Eer myr ta David myrgeddin soiaghey magh stayd bannit y dooinney ny lieh ta Jee cur cairys fegooish obbraghyn,

Romanee 8:1

Cha vel er‐y‐fa shen deyrey erbee ny chour ocsyn t’ayns Creest Yeesey, nagh vel gimmeeaght lurg yn eill, agh lurg y Spyrryd.

Romanee 9:19

Jir uss eisht rhym, Cre’n‐fa t’eh foast feddyn foill? Son quoi t’er hassoo magh noi e aigney?

1 Corinthianee 13:2

As ga dy beagh aym yn gioot dy adeyrys, as dy doiggin dagh folliaght, as dy chooilley hushtey; as ga dy beagh aym dy chooilley chredjue myr shen dy voddin sleityn y scughey, as gyn graih ve aym, cha vel mee veg.

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

Titus 2:7

Ayns dy chooilley nhee jeeaghyn oo hene sampleyr dy obbraghyn mie: ayns ynsagh soilshaghey magh firrinys y chredjue, craueeaght, ynrickys,

Hebrewnee 11:31

Liorish credjue ve, nagh ren yn ven‐oast Rahab cherraghtyn mâroosyn nagh ren credjal, tra hug ee oltagh‐bea da ny brialtee ayns shee.

Hebrewnee 11:33

Ren trooid credjue yn varriaght y gheddyn harrish reeriaghtyn, d’obbree ad cairys, hooar gialdinyn jeant mie daue, yeigh beïll lionyn,

Hebrewnee 11:6

Agh fegooish credjue te neu‐phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imnea‐agh shirrey huggey.

Jamys 2:14

Cre sheeagh eh, my vraaraghyn, da dooinney dy ghra dy vel credjue echey, as nagh vel obbraghyn echey? vod credjue y hauail eh?

Jamys 3:13

Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.