Jamys 2:1 - Yn Conaant Noa 1810

¹ My vraaraghyn, ny lhig da credjue nyn Jiarn gloyroil Yeesey Creest ve eu, jannoo soiagh jeh persoonyn deiney.

Yn Vible Casherick 1775 1819

¹ My vraaraghyn, ny lhig da credjue nyn Jiarn gloyroil Yeesey Creest ve eu, jannoo soiagh jeh persoonyn deiney.

Jamys 2:1 Iomraidhean Croise

Noo Mian 22:16

As hug ad magh huggey shiartanse jeusyn v’ad hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Jannoo 10:34

Eisht doshil Peddyr e veeal, as dooyrt eh, Ayns firrinys ta mee cur tastey nagh vel Jee soiaghey jeh persoonyn:

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Jannoo 24:24

As lurg laghyn dy row, haink Felix as e ven Drusilla va ny Hew, as hug eh fys er Paul, as hug eh clashtyn da mychione y credjue ayns Creest.

Jannoo 7:2

As dooyrt eshyn, Gheiney, vraaraghyn, as ayraghyn, eaisht‐jee, Ren Jee ny ghloyr eh hene y hoilshaghey da nyn ayr Abraham, tra v’eh ayns Mesopotamia, roish my row eh cummal ayns Charran,

Romanee 1:11

Son ta foddiaght orrym dy akin shiu, dy voddym gioot ennagh spyrrydoil y hirveish erriu, dy vod shiu ve er ny niartaghey;

1 Corinthianee 2:8

Shen nagh ren veg jeh princeyn y theihll shoh toiggal; son dy beagh toiggal oc jeh, cha beagh ad er chrossey yn Chiarn dy ghloyr.

Colossianee 1:4

Er‐dyn traa cheayll shin jeh’n chredjue eu ayns Creest Yeesey, as jeh’n ghraih t’eu da ooilley ny nooghyn;

1 Timothy 1:19

Freaylley credjue, as cooinsheanse vie: liorish scarrey roo shoh ta paart dy bollagh er stroie nyn gredjue.

1 Timothy 5:21

Ta mee cur currym ort fenish Yee, as y Chiarn Yeesey Creest, as ny ainleyn reiht, dy der oo tastey da ny reddyn shoh fegooish soiaghey jeh persoon erskyn persoon elley, jannoo dy chooilley nhee lesh kiartys.

Titus 1:1

Paul sharvaant Yee, as ostyl Yeesey Creest, son credjue cloan reiht Yee, as goaill‐rish yn irriney, ta cordail rish craueeaght:

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 1:3

Myr v’eh sollyssid e ghloyr, as eer co‐chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard‐ooashley ayns yn yrjid:

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Jamys 1:16

Ny bee‐jee mollit, ny chaarjyn ghraihagh.

Jamys 1:19

Shen‐y‐fa, my vraaraghyn ghraihagh, lhig da dy chooilley ghooinney ve arryltagh dy chlashtyn, lhiastey dy loayrt, moal gys corree:

Jamys 2:3

As dy vel shiu goaill tastey jehsyn ta ceau yn coamrey mie, as gra rish, Soie uss ayns shoh ayns ynnyd ooasle; as gra rish y voght, Shass uss ayns shid, ny, soie ayns shoh fo stoyl my choshey:

Jamys 2:9

Agh my ta shiu jannoo soiagh jeh persoonyn, ta shiu jannoo peccah, as ta shiu deyrit liorish y leigh myr drogh‐yantee.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

Jude 1:16

Ta’d shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.

Ashlish 14:12

Ayns shoh ta meenid ny nooghyn; shoh’n raad t’adsyn ta cur tastey da annaghyn Yee, as da credjue Yeesey.