Jamys 1:21 - Yn Conaant Noa 1810

²¹ Shen‐y‐fa cur‐jee dy lhiattee dy chooilley neu‐ghlennid, as rouyr dy olkys, as gow‐jee lesh meenid yn goo ta fraueit ayndiu, ta fondagh dy hauail nyn anmeenyn.

Yn Vible Casherick 1775 1819

²¹ Shen-y-fa cur-jee dy lhiattee dy chooilley neu-ghlennid, as rouyr dy olkys, as gow-jee lesh meenid yn goo ta fraueit ayndiu, ta fondagh dy hauail nyn anmeenyn.

Jamys 1:21 Iomraidhean Croise

Noo Mian 5:5

Bannit t’adsyn ta meen‐surransagh: son bee yn thalloo oc ayns eiraght.

Noo Ean 6:63

She yn spyrryd ta bioghey, cha vel yn eill jannoo veg y vie: ny goan ta mish dy loayrt riu, t’ad spyrryd as t’ad bea.

Noo Ean 6:68

Eisht dreggyr Simon Peddyr eh, Hiarn, quoi gys hem mayd? ayd’s ta goan y vea veayn.

Jannoo 10:33

Chelleeragh er‐y‐fa shen hug mee fys ort: as t’ou er n’yannoo dy mie dy vel oo er jeet. Nish er‐y‐fa shen ta shin ooilley ayns shoh kionfenish, kiongoyrt rish Jee, dy chlashtyn dy chooilley nhee ta Jee er n’oardaghey dhyt.

Jannoo 13:26

Gheiney as vraaraghyn, cloan kynney Abraham, as quoi‐erbee ta nyn mast’ euish goaill aggle roish Jee, hiuish ta goo yn taualtys shoh er ny chioyrt.

Romanee 1:16

Son cha vel nearey orrym jeh sushtal Chreest: son te pooar Yee gys saualtys, da dy chooilley unnane ta credjal, da’n Ew hoshiaght, as myrgeddin da’n Greek.

Romanee 11:17

As my ta paart jeh ny banglaneyn brisht jeh, as uss veih billey‐olive ny keylley, soit stiagh ny vud oc, as goaill ayrn mâroosyn jeh’n fraue as soo yn villey‐olive;

Romanee 6:17

Agh booise dy row gys Jee, son wheesh as dy row shiu roïe sharvaantyn peccah; dy vel shiu nish er choyrt biallys veih’n chree da’n cummey dy ynsagh v’er ny livrey diu.

1 Corinthianee 15:2

Liorish ta shiu myrgeddin er nyn sauail, my ta shiu freayll ayns cooinaghtyn shen ny ren mee y phreacheil diu, mannagh vel shiu er chredjal ayns fardail.

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

Ephesianee 1:13

Aynsyn ren shiuish myrgeddin treishteil, lurg diu v’er chlashtyn goo yn irriney, sushtal y taualtys eu: aynsyn myrgeddin erreish diu v’er chredjal, va shiu er nyn gowraghey lesh y Spyrryd casherick shen dy ghialdynys,

Ephesianee 4:22

Mychione yn ymmyrkey‐bea eu t’er n’gholl shaghey, dy der shiu jeh yn chenn ghooinney, ta neu‐ghlen cordail rish yeearreeyn molteyragh ny foalley.

Ephesianee 4:25

Shen‐y‐fa treigeil breagyn, lhig da dy chooilley ghooinney yn irriney y loayrt rish e naboo: son ta shin oltyn yn derrey yeh jeh’n jeh elley.

Ephesianee 5:4

Chamoo broïd, ny glare ommijagh, ny craid, nagh vel jesh; agh ayns ynnyd oc shoh coyrt booise.

1 Thessalonianee 1:5

Son cha daink y sushtal ainyn hiu ayns goo ny lomarcan, agh myrgeddin ayns pooar, as ayns y Spyrryd Noo, as ayns slane shickyrys, myr ta fys eu kys ren shin gymmyrkey shin hene nyn mast’ eu, er y choontey eu.

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er‐yn‐oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.

Titus 2:11

Son ta grayse Yee er ny hoilshaghey, ta chebbal saualtys da dy chooilley ghooinney.

Hebrewnee 12:1

Shen‐y‐fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,

Hebrewnee 2:3

Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Hebrewnee 4:2

Son dooinyn va’n sushtal er ny phreacheil chammah as dauesyn: agh cha row yn goo v’er ny phreacheil jeh vondeish erbee daue, tra nagh row credjue goll lesh ayndoosyn ren clashtyn eh.

Jamys 4:8

Tayrn‐jee er‐gerrey gys Jee, as tayrnee eshyn er gerrey diuish: niee jee nyn laueyn, shiuish pheccee, as glen‐jee nyn greeaghyn, shiuish dy aigney ghooble.

Jamys 5:20

Lhig da fys ’ve echey, dy jean eshyn ta chyndaa yn peccah veih shaghrynys e raad, sauail annym veih baase, as ymmodee peccaghyn y choodaghey.

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 1:9

Cosney jerrey nyn gredjue, dy feer saualtys nyn anmeenyn.

1 Peddyr 2:1

Shen‐y‐fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;