Jamys 1:19 - Yn Conaant Noa 1810

¹⁹ Shen‐y‐fa, my vraaraghyn ghraihagh, lhig da dy chooilley ghooinney ve arryltagh dy chlashtyn, lhiastey dy loayrt, moal gys corree:

Yn Vible Casherick 1775 1819

¹⁹ Shen-y-fa, my vraaraghyn ghraihagh, lhig da dy chooilley ghooinney ve arryltagh dy chlashtyn, liastey dy loayrt, moal gys corree:

Jamys 1:19 Iomraidhean Croise

Noo Mian 5:22

Agh ta mish gra riuish, Quoi‐erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi‐erbee jir rish e vraar, Raca: dy jig eh fo briwynys yn ard‐whuaiyl: agh quoi‐erbee jir, Uss ommydan, dy bee eh ayns gaue aile niurin.

Noo Mark 12:37

Ta David er‐y‐fa shen eh hene genmys eh ny Hiarn; as kys t’eh eisht yn mac echey? As deaisht yn pobble v’er nyn jaglym cooidjagh rish dy arryltagh.

Noo Mark 2:2

As chelleeragh va ymmodee er nyn jaglym cooidjagh, ayns wheesh as nagh row room dy ghoaill ad, wheesh as mygeayrt y dorrys: as ren eh yn goo y phreacheil daue.

Noo Luke 15:1

Eisht haink er‐gerrey da ooilley ny publicanee as ny peccee dy eaishtagh rish.

Noo Luke 19:48

As cha row fys oc kys dy heet mygeart‐y‐mish; son va ooilley yn pobble feer aggindagh er clashtyn eh.

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Jannoo 10:33

Chelleeragh er‐y‐fa shen hug mee fys ort: as t’ou er n’yannoo dy mie dy vel oo er jeet. Nish er‐y‐fa shen ta shin ooilley ayns shoh kionfenish, kiongoyrt rish Jee, dy chlashtyn dy chooilley nhee ta Jee er n’oardaghey dhyt.

Jannoo 13:48

As tra cheayll ny Ashoonee shoh ghow ad boggey, as ren ad goo yn Chiarn y ghloyraghey: as whilleen as va feeu as aarloo son y vea veayn ren ad credjal.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Ephesianee 4:26

My hig corree erriu, ny jean‐jee peccah. Ny lhig da’n ghrian lhie er y chorree eu:

Ephesianee 4:31

Lhig da dy chooilley roonid, as jymmoose, as farg, as beealler‐aght, as oltooan ve eebrit veue, marish dy chooilley ghoanlys.

Colossianee 3:15

As lhig da shee Yee reill ayns ny creeaghyn eu, huggey myrgeddin ta shiu er nyn eam ayns un chorp; as bee‐jee booisal.

Colossianee 3:8

Agh nish cur‐jee shiuish myrgeddin veue ooilley ny reddyn shoh; corree, jymmoose, goanlys, goan mollaghtagh, glare neu‐ghlen ass nyn meeal.

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er‐yn‐oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.

Jamys 1:16

Ny bee‐jee mollit, ny chaarjyn ghraihagh.

Jamys 1:2

My vraaraghyn, jeeagh‐jee er myr oyr dy ard‐voggey tra huittys shiu ayns caghlaghyn dy heaghyn;

Jamys 1:26

My ta dooinney erbee nyn mast’ eu ta ayns fakin dy ve crauee, as nagh vel smaghtaghey e hengey, agh molley yn cree echey hene, ta craueeaght yn dooinney shoh fardail.

Jamys 2:1

My vraaraghyn, ny lhig da credjue nyn Jiarn gloyroil Yeesey Creest ve eu, jannoo soiagh jeh persoonyn deiney.

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

Jamys 3:10

Ass yn un veeal ta cheet bannaght as mollaght. My vraaraghyn, cha lhisagh ny reddyn shoh ve myr shen.

Jamys 4:11

Ny loayr‐jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

Jamys 5:12

Agh erskyn ooilley, my vraaraghyn, ny jean‐jee loo, chamoo liorish niau, ny liorish y thalloo, ny liorish loo erbee elley: agh lhig da’n ghlare eu ve she, she, as cha nee, cha nee; er‐aggle dy duitt shiu fo briwnys.

Jamys 5:19

Vraaraghyn, my ta unnane erbee eu goll er‐shaghryn veih’n irriney, as fer dy hyndaa eh;

1 Ean 2:21

Cha vel mee er scrieu hiu, er‐yn‐oyr nagh vel fys eu er yn irriney: agh er‐yn‐oyr dy vel fys eu er, as nagh vel breg erbee jeh’n irriney.