Jamys 1:12 - Yn Conaant Noa 1810

¹² S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

Yn Vible Casherick 1775 1819

¹² S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

Jamys 1:12 Iomraidhean Croise

Noo Mian 10:22

As ver yn ymmodee feoh diu er coontey yn ennym aym’s: agh eshyn nee shassoo magh gys y jerrey, bee eh er ny hauail.

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Luke 6:22

Bannit ta shiuish, tra ta deiney cur feoh diu, as tra nee ad nyn scarrey shiu voue, as nyn oltooaney shiu, as nyn ennym y ghiarey magh myr olk, er coontey Mac y dooinney.

Romanee 5:4

As meenid, prowal; as prowal treishteil:

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

1 Corinthianee 2:9

Agh myr te scruit, Cha vel sooill er vakin, ny cleaysh er chlashtyn, chamoo te ayns cree dooinney dy hoiggal ny reddyn ta Jee er chiarail er ny son ocsyn ta graihagh ersyn.

1 Corinthianee 8:3

Agh my ta dooinney erbee graihagh er Jee, ta’n fer cheddin er ny ghoaill rish liorishyn.

1 Corinthianee 9:25

As dy chooilley ghooiney ta streeu son y varriaght, t’eh sheelt ayns dy chooilley nhee. Nish t’adsyn jannoo shoh dy chosney attey hed naardey, agh shinyn dy chosney attey nagh jed naardey.

2 Timothy 2:15

Bee uss imneagh dy phrowal oo hene firrinagh gys Jee, obbree nagh lhiass nearey ’ghoaill, rheynn dy kiart yn goo dy ynrickys.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Hebrewnee 10:32

Agh cooinee‐jee er ny laghyn t’er n’gholl shaghey, ayndoo tra haink shiu gys soilsheyn’n tushtal, chum shiu rish dy dunnal fo’n laad trome dy heaghyn.

Hebrewnee 11:17

Liorish credjue ren Abraham tra v’eh er ny phrowal, chebbal seose Isaac: as ren eshyn hooar ny gialdynyn e ynrycan er‐ny‐gheddyn mac y hebbal seose:

Hebrewnee 12:5

As ta shiu er yarrood yn raaue ta loayrt riu myr rish cloan, My vac, ny soie uss beg jeh smaght y Chiarn, chamoo lhig dty chree voïd tra t’eh coyrt seaghyn dty raad.

Hebrewnee 6:15

As myr shen lurg da v’er hurranse dy meen, hooar eh cooilleen yn ghialdyn.

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

Jamys 5:11

Cur‐jee my‐ner, ta shin jeeaghyn orroosyn dy ve maynrey ta gymmyrkey seaghyn. Ta shiu er chlashtyn jeh meenid Yob, as cre chiare y Chiarn da ec y jerrey: dy vel y Chiarn feer chymmoil, as jeh myghin veigh.

1 Peddyr 3:14

Agh foast my ta shiu surranse er coontey ynrickys, s’maynrey shiu: as ny bee‐jee agglagh roish y baggyrt oc, chamoo bee‐jee seaghnit;

1 Peddyr 4:13

Agh gow‐jee boggey, ayns wheesh as dy vel shiu goaill ayrn jeh surranseyn Chreest; tra vees y ghloyr echeysyn er ny hoilshageey, dy vod shiuish ve gennal myrgeddin lesh boggey erskyn earroo.

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

1 Peddyr 5:4

As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.

1 Ean 4:19

Ta graih ain ersyn, er‐yn‐oyr dy dug eshyn hoshiaght graih dooin.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er‐y‐fa shen, as gow‐arrys.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.