Tson'fa'cho 7:9 - Cofán: Chiga Tevaen'jen

⁹ Tsendeccu tsu tisupa injama'choi'ccu se'pipa tise'pa quinshin Joséma iyicca'ye'fa. Iyicca'yepa Joséma indipa chavaen'fa faesunga cuintsu Egipto andeni angapa semoeñe. Tsa'ma Chiga Quitsa Joséma fuitepa

Tson'fa'cho 7:9 Iomraidhean Croise

Génesis 39:2

Tsa'ma Na'su Chiga Joséi'ccu can'jensi tisema chava'su Egipto'sumbe tsaoni can'jen'an'qque ñotsse'yi can'jen.

Génesis 39:5

Tsa'caen Joséma tsa'o na'suve tsomba pa'cco tisu an'bian'choma tisenga anttesi tsequi a'ta Na'su Chiga'qque Potifarma ñotsse tsoñe ashaen. Nane tise tsa'o'su, tise nasipa'suma'qque ñotsse tsoñe ashaen.

Génesis 45:4

Tsa'ma Joséja su: —Chigáne, ¡ñanga catse'faja! Tise'pa catse'fasi Joséja su: —Ña gi que'i antian, José, que'i egiptondeccunga chavaen'cho.

Salmos 105:17

Tsa'ma israendeccuma o'tie fae a'ima Egiptoni moe. Tsaja José, índipa tsangae sema'suve chavaemba moe'fa'cho.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Mateo 27:18

Nane israe'su nasundeccu injama'choni Jesúsma se'pipa afe'fa qquen in'jamba Pilatoja tsa'caen aindeccunga Jesúsma ccupaye su.

1 Corinto'su 13:4

Majan ñotsse in'jan'choja iyicca'yembe'yi ron'daye atesu'fa. Cca'ima ñotsse tsu tson'fa. Majan ñotsse in'jan'choja tisu injama'choni cca'ima se'pi'fambi. Ni cca'ima quinsepoen'fambi. Tisuma panshaen ñotsse qquen in'jan'fambi.