Tson'fa'cho 7:8 - Cofán: Chiga Tevaen'jen

⁸ Qquen supa Chigaja fae'ngae injancco'faya'chone Abrahamnga afa. Qquen afapa ttonoma chhiyitevaemba canjaeña'chove conda. Tsa'caen paña'chopa Abrahamjan tise dutssi'ye Isaacma isusi ocho a'tangae ttonoma chhiyitevaen. Toya'caen Isaac'qque coemba tise dutssi'ye Jacobma isusi tsa'caeñi tson. Jacob'qque coemba tsa'caeñi tson tise doce dutssiyendeccuma. Tsa doce tsu ingi tayopi'su israe'su ccasheyendeccu.

Tson'fa'cho 7:8 Iomraidhean Croise

Génesis 29:31

Na'su Chigaja Jacob Leama chi'ga'choma attepa tisenga tson cuintsu du'shuma isuya'chove. Tsa'ma Raquelmajan dusumbive tson.

Génesis 30:5

fae tsandie du'shuve Jacobmbe isu.

Génesis 35:16

Can'jemba Betelne sombo'fa Efratani jaye. Tsa'ma toya Efratani nepimbi'te Raquel du'shuma isuya'cho nepi. Nane ñoa'me vanamba isu.

Génesis 35:18

Tsama pañamba Raquelja ñoa'me paye tson'jemba du'shuma inisian Benoni “Ña vana'cho du'shu” qquen suye. Tsa'ma tise yaya Jacobja tisema inisian Benjamín “Ña tansinfa'su du'shu” qquen suye.

Mateo 1:2

Abrahamjan Isaac quitsa tsu. Isaacja Jacob quitsa. Tiseja Judá quitsa. Judá antiandeccu'qque tsu Jacob dushundeccu.

Juan 7:22

Tsa'ma Moisésja ttonoma chhiyitevaeña'chove conda –nane Moisésmbi– tsa'ma tayopi'su coenzandeccu me'ttia'ye tsa'caen conda'fa. Condasi que'ija sema'ma'qquia a'ta'qque du'shu ttonoma chhiyitevaen'fa.

Tson'fa'cho 2:29

Faengasundeccu, poiyi'cco gi atesu'fa ingi tayopi'su ccashe'ye David'yeja pa. Pasi tsu tisema a'tu'fa. Nane tise'ye atu'ttima ingija toya atteye osha'fa.

Romanos 4:10

Tsa'ma ¿minga'ni tsu Chigaja tsa'caen su? ¿Abraham ttonoma chhiyitevaen'chosi ti tsa'caen su? Tsambi'ta ¿toya ttonoma chhiyitevaembi'te ti tsa'caen su? Nane toya tevaembi'te tsu Chigaja tsa'caen su.

Galacia'su 3:15

Faengasundeccu, a'i tson'jenqquia'caen gi que'inga condase. Fae a'i tise in'jan'choma tevaen'jenga tevaemba firmasi cca'ija tsama cambiañe ni fi'ttiye osha'fambi.

Galacia'su 3:17

Tsa'cansi gi ñajan su: Tayopi Chigaja Abrahamnga jai'ngae tsoña'chone tansintsse conda. Omboe cuatrociento treinta canqque'fa Tise manda'choma'qque afa. Tsa omboe afa'cho o'tie afa'choma fi'ttiye oshambi. Toya tsu Chiga o'tie afaqquia'caen tsoña'cho.

Hebreo'su 7:4

Ñotsse in'jan'faja. Ingi tayopi'su coenza Abraham can'jemba pasi tisema omba'su israe aindeccu'su Leví dutssiyendeccu tsu Chigama afasundeccuve da'fa. Chiga mandasi tsu poi israendeccu an'bian'choma enttingeve fae decimoveyi Chigambe isu'fa. Nane poi israendeccu tise'pa antiandeccu tsu. Tise'pa'qque Abraham omba'su dutssiyendeccusi toya tsu tsendeccumbema'qque Leví a'ija tsa'caen isu'fa. Tsa'ma Chigama afa'su Melquisedecja joccapitssia tsu. Joccapitssiasi ingi tayopi'su coenza Abrahamjan tisu geraemba ñotssiama itsa'choma attufaemba decimove Chigambe Melquisedecnga afe.