Tson'fa'cho 5:2 - Cofán: Chiga Tevaen'jen

² Chavaemba Ananíasja corifin'dima isupa enttingeve a'tu. Tise pusheja tsama pa'tssima atesucho. Tsa'caen a'tupa enttingeccoeyi ipa afe Jesúsne afasundeccunga. Ñoa'me pa'ccoma afeqquia'cantsse afe.

Tson'fa'cho 5:2 Iomraidhean Croise

Mateo 23:5

Nane pa'cco tise'pa tson'choja aqquia canjaen'cho tsu cca'indeccu atte'faye. Tise'pa camba'junga, tise'pa tivenga'qque Chiga Aya'fa su'cho tevaen'cho ppiñaccuma panshaen randeve ancaen'fa. Tise'pa Chigama iñajañe oppoen'jen'cho sarupanga'qque botona'choma biáfavoe dusian'fa cca'imbema ti'tsse.

Juan 12:6

Judasja mendeqquiama ñoa'me mende'yembi'ma qquenjan aqquia su. Tiseja ccanamba tsu. Nane ingi corifin'di bosama coira'supa tsani jincho'choma tsu cca'na.

Tson'fa'cho 2:44

Poi pañañe in'jan'chondeccuja fae'ngae can'jemba osha'choma fa'engayi an'bian'fa.

Tson'fa'cho 4:37

Tsa Bernabé'qque nasipama an'biamba chavaen. Chavaemba corifin'dima isupa Jesúsne afasundeccunga afe.

Tson'fa'cho 5:1

Tsa'ma faesu a'i, Ananías qquen inisecho'cho, tise pushe Safirai'ccu tise'pa andema chavaen'fa.

Tson'fa'cho 5:3

Tsa'ma Pedroja tisema su: —Ananías, ¿jongoesie tsu cocoya na'su Satanajan que injama'choma in'jaen tsa'caen Chiga Qquendya'panga afopoeñe andema chavaemba isu'cho corifin'dima enttingeve a'tupa?

Tson'fa'cho 5:8

Tsonsi Pedroja iñajampaña: —Condaja ñanga. ¿Ñoa'me ti qui que'i suqquia'caen qquen'ccoeyi andema chavaen'fa? Pushesuja su: —Ju, tsa'canccoeyi.

Filipo'su 2:3

Tisu in'jan'choma panshaen in'jamba faesuma patsu'fajama. Tsa'ma que'i injama'cho opatssipa qui faesundeccu que'ima bove ñotssi qquen in'jamba canse'faya'cho.

1 Timoteoga 6:10

Nane panshaen corifin'dive in'jan'chone osha'cho egae in'jan'cho tsu somboya. Majan a'i corifin'dive ñoa'me in'jamba tise'pa Cristove in'jan'choma cati'fa. Cristoma catipa tisu injama'cho tsosipie iñaccaqquia'caen ñoa'me vana'jen'fa.