Tson'fa'cho 22:3 - Cofán: Chiga Tevaen'jen

³ —Ñajan israe'su a'i. Ñajan Cilicia andeni, Tarso canqqueni isusi gi vani Jerusaléni jipa coen. Gamaliel –tsa poiyi'cco que'i atesu'cho atesian'su– tsu ñama atesian. Nane pa'cco tayopi'su coenzandeccu manda'choma ñoa'me tansintsse atesiansi gi ñajan Chiga in'jan'chove ñoa'me tsoñe in'jan. Nane que'i ja'ño a'ta Tise in'jan'chove ñoa'me tsoñe in'janqquia'caen gi ña'qque tayoe in'jan.

Tson'fa'cho 22:3 Iomraidhean Croise

Lucas 10:39

Marta que'tte, María, Martai'ccu fae'ngae can'jemba Jesús atesian'jen'choma pañañe in'jamba tise tsutteccofanga dyaipa paña'jen.

Lucas 2:46

Tsa'caen toequi japa tres a'ta tta'ttá jacamba tisema atte Chiga ettini Chiga manda'choma atesiansundeccui'ccu condasé dyai'choma. Nane atesiansundeccu su'choma pañamba osha'chove iñajampaña'jen.

Lucas 8:35

aindeccuja ma'caen da'choma can'su ja'fa. Jesúsni jipa cocoya ca'ni'cho a'i ccusha'choma atte'fa. Tiseja ondiccupa ñotsse in'jamba Jesús tsu'tte jin'ttinga dyai. Tisema attepa poiyi'cco a'i dyo'fa.

Tson'fa'cho 11:25

Omboe Bernabéja Tarso canqqueni ja Saulove tta'ttaye.

Tson'fa'cho 15:23

Tsendeccui'ccu tsu qquen tevaen'choma moen'fa: Vani'su Jesúsne afasundeccu, toya'caen coenzandeccuta gi Cristone que'i antiandeccupa, Que'i Antioquía'su, Siria'su, Cilicia'su Cristove in'jamba israembindeqquiama avujatsse chigambian'fa.

Tson'fa'cho 15:41

Tsa'caen mandamoensi Siria, Cilicia andengae japa faenga'su Jesúsve in'jamba bo'je'chondeccuma atesiamba in'jaen'fa.

Tson'fa'cho 21:20

Tsama pañamba Chiga Quitsane ñotsse afapa Pablonga su'fa: —Ñotssi tsu, faenga'su. Tsa'ma que'qque pañajan. Tsain'bio israendeccu, ñoa'me diez milma ti'tsse'o, Jesúsve in'jamba Moisés manda'choma'qque pañamba canseye in'jan'fa.

Tson'fa'cho 21:39

Tsa'ma Pabloja su: —Me'i, ñajan israe'su a'i, Cilicia andeni'su. Ñajan Tarso canqque'su cedulama an'bian'cho a'i gi. Tarso tsu poi a'i paña'jen'cho canqque. Chigáne ñama antteja a'ima afaye.

Tson'fa'cho 23:34

Governaror tevaen'jema isupa can nanimba iñajampaña Pabloma: —¿Mani'su a'i qui? Cilicia andeni'su a'i qquen susi

Tson'fa'cho 23:6

Tsa'ma Pabloja in'jamba atesucho. Bo'fa'cho nasundeccuja enttingeve tsu fariseo in'jan'chondeccu; faesu enttingeve tsu saduseo in'jan'chondeccu. Tsa'caen atesuchopa tise'pama quia'me afapa su: —¡Faengasundeccu! Ña'qque gi fariseo. Ña tayopi'su coenzandeccu'qque tsu fariseondeccu. Papa ccase qquendya'chone in'jansi qui que'ija ñajan egae tsincon qquen su'fa.

Tson'fa'cho 26:5

Bo'tsse tsu ñama atesu'fa. Tsendeccuja condaye in'jan'da tsu qquen conda'faya: “Pabloja fariseo in'jan'chove in'jamba canse.” Nane fariseondeccu tsu israe in'jan'chove ti'tsse in'jan'chondeccu.

Tson'fa'cho 26:9

Ña'qque gi tayoeja ma'caen osha'ta va Jesús Nasareno'su in'jan'choma joqquitssiañe in'jan.

Tson'fa'cho 5:34

Tsonsi fa'e na'suyi, Gamaliel, qquen inisecho'cho, bo'fa'chonga jangi ccutsu. Nane tsaja fariseondeccu in'jan'cho a'i tsu, Moisés manda'choma atesian'su. Poiyi'cco a'i tsu tisema ñotsse in'jamba paña'fa. Tsa tsu ccutsupa manda cuintsu Jesúsne afasundeccuma cuarto'ye re'riccone joqquitssiansi tisupayi condaseccoye.

Tson'fa'cho 6:9

Tsa'caen canjaensi majan israe'su Chigane atesian'jen'ttisundeccu Estebain'ccu afacco'fa. Tsa atesian'jen'tti tsu Ccupa'chondeccu Atesian'jen'tti qquen inisecho'cho. Toya'caen majan Cirene'su, Alejandría canqquesundeccu, Cilicia'su, Asia andesundeccu'qque tisei'ccu afacco'fa.

Tson'fa'cho 9:1

Felipe tsa'caen tson'jen'ni Sauloja toya iyiccaye'jepa Na'su Jesúsve in'jan'chondeccuma fi'ttiye in'jamba Chigama afa'su na'suni ja.

Tson'fa'cho 9:11

Na'suja su: —Junde jaja “Tansintssia Tsaiqui” qquen inisian'cho tsaiqui'ye. Judas tsaoni japa iñajampañajan Tarso canqque'su Saulove. Tiseja ja'ño Chigama iñajan'jen.

Tson'fa'cho 9:30

Tsama attepa faenga'su Jesúsve in'jan'chondeccuja Sauloma anga'fa Cesarea canqqueni. Tse'ttie mandamoen'fa Tarso canqqueni.

Romanos 11:1

Tsomba tse'i ¿ñoa'me ti Chigaja Tise in'jan'cho israendeccuma tsangae cati? Me'i. Ña'qque israe'su a'i. Ñajan Abraham dutssi'yembe Benjamín a'i.

2 Corinto'su 11:22

¿Tsendeccuta ti hebreo a'i? Ña'qque tsa'can gi. ¿Tsendeccuta ti israendeccu? Ña'qque tsa'can gi. ¿Tsendeccuta ti Abraham dushundeccu? Ña'qque tsa'can gi.

Galacia'su 1:14

Israendeccu in'jan'chove gi tsain'bio ña faengasundeccuma ti'tsse pan'shantsse in'jan. Tsa'caen gi ñajan quinsetsse ingi tayopi'su coenzandeccu nafattian'fa'choma in'jan.

Galacia'su 1:21

Omboe gi Siria andeni japa Cilicia andeni'qque ja.