Tson'fa'cho 2:2 - Cofán: Chiga Tevaen'jen

² Tse'faei'ccuyi sefaccone jen'choma paña'fa fingian quia'me fingianqquia'caen. Tsa'caen jemba pa'cco tise'pa bo'fa'cho tsa'onga ca'ni.

Tson'fa'cho 2:2 Iomraidhean Croise

1 Reyes 19:11

Tsa'ma Na'suja su: “¡Fattocco chango'ye sombopa ccotta'cconi ñanga ccutsuja!” Tsa'caen supa tse'faei'ccuyi Na'su Chigaja jipa panshaen. Nane quian'me fingiansi ccotta'cco dosi patu'qque ucca sheque. Tsa'ma Na'suja tsa fingiani can'jembi. Fingiama omboe tsu ande oya. Tsa'ma Na'suja ande oya'je'choni can'jembi.

Isaías 65:24

Tsendeccu toya ñama ttu'sembi'te gi tise'pa in'jan'choma in'jamba afaya. Nane tise'pa toya afa'je'ni gi tise'pama pañaña.

Malaquías 3:1

Na'su Osha'choma Oshacho'cho Chigaja su: “Ñane afa'suma gi manda moeña cuintsu ña jiya'chove ñoñañe. Tsonsi tsu que'i ttatta'je'cho Na'suja junde tisu can'jen'cho ettinga ca'niña. Nane tise tsu que'i in'jan'cho Chigai'ccu injancco'fa'choma afa'suya.”

Lucas 2:13

Tise tsa'caen su'je'ni tse'faei'ccuyi tsain'bio Chigama sefacconi'su shondosundeccu tisei'ccu fae'ngae attian'fa. Tsa'caen attiamba Chigama ñotsse afapa su'fa:

Juan 3:8

Fingianjan mani in'jan'da tsu fingian. Tise jen'fama paña'ma qui atesumbi mane ji'choma ni mani ja'choma. Tsa'can tsu poiyi'cco majan Qquendya'pai'ccu isu'cho'ta.

Tson'fa'cho 2:3

Tsonsi atte'fa si'ngia'ca'en anchandapa menzanza'je'an. A'i atte'fasi tsa si'ngeja poiyi'cconga attufacco.

Tson'fa'cho 2:6

Sefaccone fingian jen'choma pañamba poiyi'cco a'i tseni bo'fa. Bopa ma'caen in'jañe atesu'fambi. Jesúsne afasundeccu afa'fasi poiyi'cco tsu tisupa aya'fama paña'fa.

Tson'fa'cho 4:31

Chigama iñajan nanisi tise'pa bo'je'ttija oya. Tsa'caen oyasi poiyi'cconga Chiga Qquendya'pa ca'ni. Ca'nisi dyombi'tsse Chiga Aya'fama afa'je'fa.

1 Pedro 1:12

Tsa'ma Chiga tise'pama in'jaensi tsu atesu'fa tise'pa afa'chomajan tise'pa can'jeinte tson'faya'bi. Tsa'ma ingi can'jeinte tsu tson'faya'cho. Tayoe tise'panga condaqquia'cañi tsu ja'ño que'inga condase'cho'qque. Nane Chigaja Tise Qquendya'pama sefaccone moemba a'ima in'jaen cuintsu Tise a'ima ccushaeña'chone ñotsse condase'choma que'inga condase'faye. Chigama sefacconi'su shondosundeccu'qque tsesuma atesumbipa atesuye in'jan'fa.