Tson'fa'cho 1:6 - Cofán: Chiga Tevaen'jen

⁶ Tsonsi poiyi'cco a'i Jesúsnga bopa iñajampaña'fa: —Na'su, ¿ja'ñonda ti qui ccase afeya israendeccunga na'su quini'ccopa'ma?

Tson'fa'cho 1:6 Iomraidhean Croise

Génesis 49:10

Ni majañi'qque tsu Judá manda'je'choma itsaya'bi. Ni tise tiveni an'bian'cho coen quini'ccoma'qque itsa'faya'bi tsa quini'cco na'su jiya'ngae. Tsama tsu poi canqquesundeccu paña'faya.

Amós 9:11

“Tsa'o osui'choma ccase tsao'ñaqquia'caen gi ccase David'can na'suma ccutsiaña. Ttuccu asittaye'choma gi tayoa'caen ccase cuname ñoñamba ccutsiaña

Miqueas 5:2

“Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.

Zacarías 9:9

¡Ñoa'me avujatssi'faja Zión aindeccu! ¡Avujatsse settapoen'faja Jerusalén'su aindeccu! Que'i na'su tsu que'inga jiña; ñotsse mandapa ccushaen'su tsu. Tsa'ma patsumbe'yi tsu boro du'shunga dyaipa jiña. Nane boro pushe isu'chonga tsu dyaipa jiña.

Mateo 17:11

Jesús pañamba su: Ñoa'me tsu Elíasja o'tie jiya. Tise jipa tsu a'i injama'choma in'jaeña cuintsu ccushaen'suma paña'faye.

Mateo 20:21

Iñajañe tson'jensi Jesúsja tisema iñajampaña: —¿Jongoesuve qui in'jan? Tiseja su: —Queja ande na'suve dapa chigáne antteja cuintsu va ña dos dutssiyendeccu ti'tsse joccapitssia nasundeccuve dapa que tansinfanga, que pavefanga pporotsse dyaipa manda'faye.

Mateo 24:3

Olivo ccotta'cconi japa Jesús tisuyi dyaisi tisema shondosundeccu catsepa a'tutsse iñajampaña'fa: —Chigáne inginga condaja ¿minga'ni tsu que suqquia'caen tsoña'cho? ¿Jongoesuma attepa gi que na'suve dapa jiña'chove atesu'faya? ¿Jongoesuma attepa gi osefaeña'cho a'ta napiji'chove atesu'faya?

Marcos 9:12

Qquen iñajampaña'fasi Jesúsja su: —Ñoa'me tsu Elíasja o'tie jiya'cho pa'ccoma ñoñañe. Tsa'ma ñanda gi su tayo tsu Elíasja ji. Jisi a'ija tisema osha'choe ma'caen in'jangae tson'fa. Nane Chiga Tevaen'jen tisene suqquia'caen tsu tisenga tson'fa. Toya'caen ¿jongoesu qquen tsu Chiga Tevaen'jenjan su Sefaccone Ji'cho A'ine? Nane tiseja chigayepa vanaña'cho, qquen tsu tevaen.

Lucas 17:20

Fariseondeccuja Jesúsma iñajampaña'fa: “¿Minga'ni tsu a'ija Chiga aindeccuve da'faya?” Tsa'caen iñajampaña'fasi Jesúsja tise'pama su: —A'i Chiga aindeccuve da'faya'choma que'ija atteye osha'faya'bi.

Lucas 19:11

Jesús Jerusaléni pan napijisi a'i tisema pañamba junde Chigaja Jesúsma na'suve tsoña qquen in'jan'fa. Tsa'caen in'jan'fasi Jesúsja va condase'choma condase.

Lucas 22:29

Chiga ña Quitsaja tayo tsu ñama na'suve manda. Tsonsi tsa'caen gi ña'qque que'ima na'suve manda cuintsu

Juan 21:21

Pedro ñama attepa Jesúsma iñajampaña: —Na'su, ¿vaja ma'caen tsu daya?