Titonga 2:8 - Cofán: Chiga Tevaen'jen

⁸ Nane Chiga Aya'fa atesianqquia'caeñi tsu candusiaña'cho. Tsa'caen tsu candusiaña'cho tansintssia aya'fai'ccu cuintsu ccaningae atesiansundeccu ansangepa ingine egae afaye osha'fambi'ye.

Titonga 2:8 Iomraidhean Croise

Marcos 12:17

Tsonsi Jesúsja su: —Tsa'caenda Césarmbemajan Césarnga afe'faja. Toya'caen Chigambemajan Chiganga afe'faja.

Marcos 12:28

Toya'caen fa'e Chiga manda'choma atesian'su Jesúsi'ccu condasecco'fa'choma paña. Pañamba Jesús ñotsse afasi atesupa catsepa iñajampaña: —¿Majan tsu Chiga manda'cho ti'tsse'tssia?

Marcos 12:32

Tsonsi Chiga manda'choma atesian'suja su: —Atesian'su, ñotsse qui su. Ñoa'me tsu fae Chigayi jin. Me'i'on tsu faesu tsama ti'tsse'tssiave.

Marcos 12:34

Tsa'caen susi Jesúsja tsa a'i ñotsse in'jansi atesupa su: —Pan qui napiji Chiga a'ive daye. Tsonsi majañi'qque ccase catsepa iñajampaña'fambi.

Lucas 13:17

Jesús tsa'caen susi poiyi'cco tisema iyiccayesundeccu ansange'fa. Poiyi'cco a'i Jesús ñotsse tson'choma attepa ñoa'me avujatssi'fa.

2 Tesalónica'su 3:14

Majan a'i va ingi tevaemba manda'choma pañañe in'jambian'da, tsama ñotsse can'faja. Tisenga pi'fajama cuintsu tise ansangeye.

1 Timoteoga 5:14

Tsa'cansi bove ñotssi tsu qquen gi in'jan va bove chu'a tsandupajen'chondeccuja ccase tsa'ndupa du'shuma isupa tise'pa tsa'o'suma ñotsse manda'faye. Tsa'caen mandapa canse'fasi ¿ma'caen tsu ingi'ccu iyiccosundeccuja ingima afase'faya?

1 Timoteoga 6:3

Majan a'i ccaningae atesian'jen'da ñoa'me atesumbi tsu. Nane ingima Na'su Jesucristo tsu tansintsse Chiga in'janqquia'caen atesian. Tsa'cansi majan ccaningae atesian'jen'da injamambie dapa aqquia patsuye tsu afa. Nane tisuja ño'a qquen in'jamba ñoa'me injama'choni pajipa aqquia afave afapa tsane iyiccopa egae afase.

Titonga 3:14

Toya'caen ingi aindeccu'qque tsu tsa'caen ñotsse tsoñe atesu'faya'cho. Cca'indeccune jongoesu shaca'ninda tsu afepa fuite'faya'cho. Tsa'caen tsu tson'faya'cho injanga cansesa'ne.

1 Pedro 2:12

Chigave in'jambindeqquiai'ccu can'je'an'qque ñotsse canse'faja. Tsendeccuja que'ima afase'fa in'jangae tsinconsundeccu qquen in'jamba. Tsa'ma tsa'caen afase'a'qque que'i ñotsse tson'choma attepa tsu Chigama ñotsse afa'faya maqui a'ta Chiga jipa a'i injama'choma somboeñe ttu'se'nijan.

1 Pedro 2:15

Atesumbindeqquia que'ima injanga afasesi Chigaja in'jan que'i ñotsse cansepa tise'pama ziyaen'faye.

1 Pedro 3:16

Ñotsse canse'faja que'i injama'choni atesuye ñotsse tson'chove. Nane faesundeccu que'ima afasepa afopoen'faya. Tsa'ma tsendeccuja que'i Jesucristove in'jamba ñotsse tson'choma attepa ansange'faya tise'pa afa'chone.