Rut 4:4 - Cofán: Chiga Tevaen'jen

⁴ In'jan gi que tsama atesuye. Que chavaye in'jan'da ja'ño tsa'caen tsoñe qquen suja poiyi'cco va coenzandeccu dyaipa paña'jen'ni. Tsa'ma que chavaye in'jambi'ta ñanga condaja. Nane queja Elimelec'ye ti'tsse porotssi'su antiansi quenga tsu o'tie antteye tise andema chavaya'chove. Tsa'ma que chavaye in'jambian'da ña chavaya'chove tsu antteya. Booz tsa'caen susi tise antianjan su: —Ju, chavaya gi.

Rut 4:4 Iomraidhean Croise

Génesis 23:11

—Isha, ña na'su. Aqquia gi quenga afeya va ande, toya'caen tsa ande'su fattocco changoma'qque. Poiyi'cco ña antiandeccu tsu ña su'choma pañamba in'jan'fa tansintsse su'chove. Toya'caen canqque sombo'tti'ye panshansundeccu'qque tsu pañamba tansintsse su'chove in'jan'fa. Tsa'cansi injanga tseni a'tuja que pushema.

Génesis 23:18

Abraham andeve da. Abraham na'suve dasi tsu poi hititandeccu, canqque sombo'je'tti'ye panshansundeccu'qque pañamba tsa'caen in'jan'fa.

Romanos 12:17

Faesu que'ima egae tsonsi ccane'qque tsa'caen egae tson'fajama. Tsa'ma poiyi'cco a'i caña'jen'ni ñotsse tson'choveyi tson'faja.

2 Corinto'su 8:21

Nane in'jan gi Chiga caña'jensi ñotsse tson'faye. Tsa'ma a'i'qque caña'jensi ñotsse tson'fa'choma tise'panga canjaeñe gi va faesu a'i'ccu fae'ngae jacan'fa.

Filipo'su 4:8

In'jan'chondeccu, ja'ño osefaeñe gi que'ima afa'je: tansintsse su'choma ñotsse in'jan'faja. Ñotsse in'jamba jincho'choma'qque ñotsse in'jan'faja. Tansintsse tson'choma, egae jinchombi'choama, ñotsse in'janqque'suma, toya'caen poi a'i ñotssiave condase'fa'choma, ñotsse in'jan'faja. Osha'cho ñotssiama, osha'cho Chiganga ñotsse afaqque'suma ñotsse in'jan'faja.

Rut 2:20

Pañamba Noemíjan tise chinama su: —¡Tise ñotsse tsonsi cuintsu Na'suja tisema ñotsse tsonjan! Nane Na'suja anttembi tsu ingi cansendeccui'ccu toya'caen tayo pa'chondeccui'ccu tisu ñotsse tson'jen'choma. Tsa tsandieja ingi antian tsu. Tsa'camba tise tsu ingima coiraya'cho.

Rut 3:12

Ñoa'me gi que tsa'ndu'yembe pporotssi'su antian, quema pushepa coiraye. Tsa'ma faesu tsu ti'tsse pporotssi.

Rut 3:9

Attepa iñajampaña: —¿Majan qui queja? Tsonsi Rutja su: —Ña gi Rut, quema shondo'su. Queta qui ña antian. Tsa'camba qui que ñama coiraya'cho. In'jan gi que ñama pusheye.