Rut 4:1 - Cofán: Chiga Tevaen'jen

¹ Tsonsi Boozja canqqueni japa canqquenga ca'niña'tti'su bo'je'cho jin'ttinga japa dyai. Tse'tti dyaipa Elimelec antian, tsa tise “ñama ti'tsse porotssi'su antian” qquen su'cho panshanjin'choma atte. Attepa Boozja tisema ttu'sepa su: —¡Quindya, vani jipa dyaija! Pañamba tise antianjan jipa dyai.

Rut 4:1 Iomraidhean Croise

Génesis 19:1

Tayo cosesi tsa dos Chigama sefacconi'su shondosundeccuja pasiasundeqquia'caen Sodoma canqquenga nepi'fa. Lot, Abraham antianmbe du'shu, tseni can'jemba canqque ttuccu sombo'tti'su atandunduni dyai. Dyaipa pasiasundeccuma attepa jangipa tise'pama cachui'su ja. Cachuipa tise camba'juma andenga puntssamba chigambiamba

Génesis 23:10

Tse'i, hitita a'i, Efrón, tse'tti cca'indeccui'ccu fae'ngae can'jemba pañamba Abrahamma quian'me afa. Nane cuintsu poiyi'cco tise antiandeccu, canqque sombo'je'tti'ye panshansundeccu'qque tisema paña'faye tsu quian'me afapa su:

Génesis 34:20

tise yaya Hamori'ccu canqqueni cani'jen'ttinga ja faengasundeccui'ccu condaseye. Japa qquen su:

Salmos 69:12

Ayafanasindeccu faesu faesunga condase'fasi ccusisundeccu'qque ñane settapoen'jen'fa.

Isaías 55:1

“¡Poiyi'cco majan qquipoe'su'ta jipa tsa'ccuma cu'i'faja!” Majan corifin'di me'cho'ta jipa afepoembe'yi trigoma isupa an'faja. Nane vino, chochoma'qque chavambe'yi cu'i'faja.

Rut 3:12

Ñoa'me gi que tsa'ndu'yembe pporotssi'su antian, quema pushepa coiraye. Tsa'ma faesu tsu ti'tsse pporotssi.

Rut 3:18

Tsonsi Noemíjan su: —Ja'ño, china, jinge ronda'jeye mingae tsu tson'me'se. Nane va tsandieja ja'ño a'tayi tsu osha'choma nanitsse tsoña.