Rut 3:7 - Cofán: Chiga Tevaen'jen

⁷ Omboe Booz amba, cu'i nanimba avujatsse japa anañe ccui qquesho'chombe boña utufanga. Rutja a'tutsse catsepa covijama fetta tise tsu'ttenima. Fettapa tise tsu'ttei'ccu pporotsse ccui.

Rut 3:7 Iomraidhean Croise

Génesis 43:34

Tsa'caen dyaiñamba Joséja tisu mesani sheque'cho aña'choma afeye ashaemba Benjamíngaja cca'inga afe'choma ñoa'me ti'tsse nama afe. Tsa'caen tsu Joséja tisu antiandeccui'ccu cu'ipa avujatsse pasa.

1 Corinto'su 10:31

Bove ñotssi tsu osha'cho jongoesuma an'jen'da, jongoesuma cui'je'ta, nane osha'cho jongoesuve qui tson'jen'da, tsa'caen tson'faja Chigaja ñotssia qquen canjaeñe.

Efeso'su 5:18

In'dutssiai'ccu ccusipa'fajama. Tsa'caen tsomba tsu qque'faya'cho. Tsa'ma Chiga Qquendya'panga injaenge'faja.

Jueces 16:25

Toya tsa'caen avujatssipa fundopa afa'fa: “Sansónma somboenjan ingi tisema camba fe'ñañe.” Tsa'caen supa Sansónma picco'je'ttie somboemba ccutsian'fa chiga Dagón etti'su dos enttinge'su chan'jime dyaiña'chombe enttingenga.

Rut 3:6

Tsa'caen supa qquesho'jeccuni japa tise chan ccashe mandaqquia'caen tson.

Rut 3:8

Enttinge cose injanjangi bittapa Boozja atte pushesu tise tsu'ttei'ccu pporotsse ccui'choma.