Rut 2:12 - Cofán: Chiga Tevaen'jen

¹² Que tsa'caen tsomba Na'su israe'su Chiganga jipa tise coira'je'choni ño'faqquia'caen can'jen'ninda cuintsu tise antteja quenga ñotsse afepa tsoña'chove.

Rut 2:12 Iomraidhean Croise

Salmos 19:11

Ñajan quembe sema'supa gi que manda'choma pañamba in'jan. Pañamba gi ñotssiama isu.

Salmos 91:4

Nane arapa tise sanccopai'ccu du'shuma piccoqquia'caen tsu tiseja quema coiraya. Tise sanccopa tsosiccuni can'jensi tiseja ñotsse'yi quema tsomba quema piccoqquia'caen a'tupa an'biaña.

Jeremías 31:16

Tsa'ma toya'caen Na'suja qquen su: “Raquel, ti'tsse i'najama. Ja'ño que inanzaccuma samboenjan. Nane que dushundeccu enemigo andene ji'fasi que ñotssiama isusi tsu que vana'jen'choja pasaya. Ña, Na'su Chiga gi que'inga conda.

Mateo 23:37

¡Jerusalén, Jerusalén, Chiga Aya'fama afasundeccuma qui fi'tti! Chiga quenga moensi ji'chondeccuma qui patui'ccu ttovaccoen. Nane arapa tise dushundeccuma sanccopai'ccu sa'vianqquia'caen gi que dushundeccuma me'deye in'jan. Tsa'ma tsa'caen ña in'jansi qui se'pi.

Mateo 5:12

Nane avujatsse can'jen'faja. Chiga sefacconi qui tsain'bitssia'ma isu'faya. Que'ima afaseqquia'caen tsu tayopi'su a'i'qque que'ima otien'su Chiga Aya'fama afasundeccuma'qque afase'fa.

Mateo 6:1

Injama'tse, aqquia cca'i queja ño'a qquen in'jañe tsu ñotsse tson'choma tson'masia. Tsa'caen tso'ninda Chiga que'i Quitsa sefacconi canjen'su'qque que'inga ñotsse afeya'bi.

Lucas 6:35

Tsa'ma que'ija tisuma egae tsonsundeccuma ñotsse in'jan'faja. Tsendeccuma ñotsse tson'faja. Corifin'dima afe'ta ccase isuye in'jambe can'faja. Tsa'caen tson'da qui Ti'tsse'tssia Chiga que'ima in'jansi Tise dushundeccuve dapa ti'tsse ñotsse osha'choma isu'faya. Chiga Quitsaja Tisema chi'gasundeccuma in'jamba mende'ye. Egae tsinconsundeccuma'qque in'jamba mende'ye.

Colosa'su 2:18

Antte'fajama cca'indeccu que'inga afopoemba que'ima dañosi que'i jai'ngae isuya'choma pasasa'ne. Nane tsendeccuja Chiga attian'choma atte qquen afopoemba tsu qquen manda'fa: “Tisuma se'pipa Chigama sefacconi'su shondosundeccuma iñajaña'cho tisu ccushaye.” Tsa'ma tsa'caen manda'fa'ni'qque paña'fajama ni tise'panga dyo'fajama. Tise'pa injama'cho egasi injanga asi'ttaemba tsu tsa'caen tisuja ñotssi qquen in'jan'fa.

2 Timoteoga 1:18

Tsa'cansi in'jan gi osefaeña'cho a'ta napisi cuintsu Na'su Cristoja Onesíforoma mende'yepa ñotsse tsoñe. Nane queja ñoa'me ñotsse atesu ingi toya Efesoni can'jensi tise ma'caen ingima fuite'choma.

2 Timoteoga 4:8

Ganañe cofe'su ganasi afeya'cho otifaccuma gi ja'ño isuya. Na'su Jesús jipa tsu ñama otifaenqquia'caen ño'ame tsoña. Nane Na'su Jesúsja poimbe injama'choma ñotsse atesupa in'jan. Tsa'caen in'jamba tsu tsequi a'ta ñai'ccu poiyi'cco tise jiya'chove in'jamba rondasundeccuma'qque tsa'caen ño'ame tsoña.

Hebreo'su 11:6

Nane Chigave in'jambian'da ¿ma'caen tsu Chigaja tisei'ccu avujatssiya? Chigama iñajañe in'jan'da o'tie tsu Tise jincho've in'jamba atesu'faya'cho. A'i Chigave ttatta'je'ninda Chigaja tsendeccuma ñotsse tsoña. Tsama'qque tsu atesuya'cho Chigama iñajañe in'jan'da.

Hebreo'su 6:10

Nane Chiga Quitsaja egambi tsu. Aqque'paya'bi tsu que'i Tise've in'jamba cca'ima fuite'je'choma. Que'ija tayo Tise aindeccuma in'jamba fuitepa toya qui tsa'caen tson'jen'fa.

Rut 1:16

Tsa'ma Rutja su: —Ñama mandajama quema catiye ni toequi jaye. Que mani ja'ninda gi tseni ña'qque jaya. Que mani can'jen'ninda gi tseni ña'qque can'jeña. Que aindeccu tsu ña aindeccuve da'faya. Que Chiga tsu ña Chigave daya.

Rut 2:11

Boozja su: —Tayo gi paña'jen que ma'caen que tsa'ndu'ye pasi tisu chan ccashema anttembe'yi ñotsse fuite'je'choma. Toya'caen que yaya, que mama, que andema'qque catipa qui ji va que atesumbi'choa andeni'su aindeccui'ccu can'jeñe.

Rut 2:13

Pañamba Rutja su: —Ña na'su, queja ña quema shondo'suma ñotsse afasi gi opatsse canseya. Ñoa'me nepimbi gi quema shondoye. Tsa'ma avujatsse gi que ñotsse afa'choma in'jan.

Rut 4:15

Nane que chinajan quema ñotsse in'jamba tsu siete dutssiyendeccuma ti'tsse quene bare. Tiseja va du'shuma quenga afesi du'shu tsu quema quiñaemba ñotsse coiraya que coenza ccasheve dasi.