Rut 1:20 - Cofán: Chiga Tevaen'jen

²⁰ Pañamba Noemíjan su: —Ja'ño ñama su'fajama ‘Noemí’ (ansintssi qquen suye). Tsa'ma ñama su'faja ‘Mara’ (inza'o qquen suye). Ñoa'me tsu Osha'choma Oshacho'cho Chigaja ña canse'choma inza'e tson.

Rut 1:20 Iomraidhean Croise

Génesis 17:1

Tsomba Abram noventa y nueve canqque'fave an'bian'ni Na'su Chigaja tisenga attiamba su: —Ña gi Chiga Osha'choma Oshacho'cho. Ña in'janqquia'caen shacave me'cho canseja.

Génesis 43:14

Tsa Chiga Osha'choma Oshacho'cho tsu tisema in'jaeña cuintsu que'ima mendeyepa faesu que'i antian Simeónma fettapa Benjamínma'qque mingae tsombe'yi antteye. Ñajan, mapán du'shu me'ccoe da'a'qque cuin'qque gi tsa'caen me'ccoe daya.

Job 11:7

¿Osha ti qui osha'cho Chigane jinchoma atesuye? ¿Nane tise injama'cho in'jan'choma atesuyeta ti qui osha?

Job 9:18

Panshaen ñama ñombi'yansi gi ni qquendyapa ñofaccaye oshambi.

Éxodo 15:23

Tsa'caen jacamba Marani nepipa tsa'ccuma atte'ma cu'iye osha'fambi panshaen inza'osi. Tsa'cansi tsu tse'ttima Marave inisian'fa.

Hebreo'su 12:11

Cca'i ingima iyu'upa nafattiañe'da gi in'jambi. Nane tsa'caen vana'jen'choja “Ega tsu” qquen gi in'jan'fa. Tsa'ma tsa'caen vana'jemba omboe injama'choni ñotsse atesupa gi tansintsse opatsse canse'fa.

Canjaen'cho 1:8

“Ña gi Ashaen'su toya'caen Nani'su.” Qquen tsu na'suja su. “Aisheve can'jemba gi ja'ño'qque can'jen. Tsangae gi can'jeña. Ña gi osha'choma ti'tsse'tssia.”

Canjaen'cho 21:22

Tsa'caen canqquema attepa Chiga ettive ttatta'ma gi attembi. Nane Na'su Chiga, Osha'choma Oshacho'cho, can'jensi Chiga Oveja'qque can'jensi poiyi'cco a'i tansintsse Tisema iñajan'fa.