Números 3:9 - Cofán: Chiga Tevaen'jen

⁹ Nane poi israendeccu'su'ye levítandeccuma attufaenjan cuintsu Aarón, tise dutssiyendeccu tise'pama manda'faye.

Números 3:9 Iomraidhean Croise

Esdras 6:18

Fiestaen nanimba tsu ñoña'fa Chigama afasundeccu maqui a'ta majan Chiga ettinga ca'nimba semaña'chove. Toya'caen poiyi'cco levítandeccuma tsu manda ma'caen tise'pa semaña'chove cuintsu a'ija Jerusaléni Chigama iñajan'faye. Nane Moisés tevaen'jen suqquia'caen tsu tsa'caen tson'fa.

Números 16:9

¿Israendeccumbe Chiga poi israendeccu'ye que'ima ttu'sepa manda'choja ñotssimbi qquen ti qui in'jan'fa? Nane que'ija ñoa'me Chigai'ccu pporotsse can'jemba tise can'jen'tti'su jincho'choma vase'je'fa. Toya'caen qui poi israendeccuma fuitesundeccu'fa.

Números 3:8

Toya'caen tsu Chigambe osha'cho tse'ttini jincho'choma'qque coira'jepa poi israendeccuma fuitesundeccu'faya.

Efeso'su 4:11

Tise a'inga in'jaen'cho tsu qquen: Majan a'ima tsu in'jaen Jesúsne afasundeccuve da'faye. Cca'indeccuma in'jaen Chiga Aya'fama afasundeccuve da'faye. Toya'caen majanjan ñotsse condase'choma candusiansundeccuve tsu da'fa. Majan a'i Cristove in'jan'chondeccuma coira'suve tsu da'fa. Majan a'i atesiansundeccuve tsu da'fa.

Efeso'su 4:8

Tsa'cansi tsu Chiga Tevaen'jenjan su: Tsain'bio piccoye'chondeccuma ccushaemba Sefacconi ansundepa tsendeccuma'qque ansundian. A'inga Tiseja osha'choma afe.