Números 25:3 - Cofán: Chiga Tevaen'jen

³ Tsa'caen tsomba tsu poiyi'cco israendeccu Baal-peor chigama iñajañe ashaen'fa. Tsa'caen tson'jen'fasi Na'su Chigaja israendeccuma ñoa'me iyicca'yepa

Números 25:3 Iomraidhean Croise

Números 25:5

Tsama pañamba Moisésja israe'su ñoquiansundeccuma qquen manda: —Poiyi'cco que'i tisu aindeccu majan Baal-peor chigama iñajansundeccuma fi'tti'faja.

Números 31:16

Tsendeccu Balaam su'choma pañamba tson'fa israendeccuma qqueñañe. Nane qqueñasi israe'su tsandiendeccu Na'suma catipa Baal-peorma iñajamba tsa pushesundeccui'ccu egae tsincon'fa. Tsa'caen tson'fasi Na'suja paqque'sui'ccu israendeccuma vanae.

Jueces 2:11

Tsa'ma israendeccu egae tsinconsi Na'su atte'ma in'jambi. Nane israendeccuja osha'cho chiga Baal ñoña'choma iñajañe ashaen'fa.

Jueces 2:13

Nane Na'suma catipa chiga Baal toya'caen osha'cho chiga Astarté ñoña'choma'qque iñajan'fa.

Jueces 2:14

Tsa'caen tson'fasi Na'su Chigaja tise'pama iyicca'yepa antte cuintsu ccanambandeccu jipa osha'choma cca'nasi tise'pa pporotsse canjen'su iyiccosundeccu'qque jisi oshambi'e dapa patsuye'faye.

Jueces 2:20

Tsa'caen canse'fasi Na'su Chiga ti'tsse tise'pama iyicca'yepa su: “Tayopi'su israendeccui'ccu gi fae'ngae injancco'fa'choma afa. Tsa'ma va, tise'pa dushundeccu, tsama catipa ñama pañambisi gi