Números 24:9 - Cofán: Chiga Tevaen'jen

⁹ Ño'faye ccui'ta tsu ttesia'caen attiaña. Tsa'cansi majañi'qque tisema jangiañe oshambi. ¡Majan quema ñotsse afa'ta cuintsu ñotsse daye! ¡Majan quema dañoñe egae afa'ta cuintsu egae daye!”

Números 24:9 Iomraidhean Croise

Génesis 12:3

Majan quema in'jamba ñotsse afa'ninda gi tise'pama ñotsse tsoña. Tsa'ma majan quema afase'ninda gi tise'pama egae tsoña. Nane quei'ccu tsu poi ande'su aindeccuja Ña ñotssiama isu'faya.”

Génesis 27:29

Tsain'bio a'i tsu quema paña'faya. Nane faesu ande'su aindeccu'qque quenga ccaru dyai'faya. Que antiandeccuma'qque qui mandaya. Nane que mamambe dushundeccu'qque quenga ccaru'faya. Majan quenga egae tsoña'chove afa'ninda Chiga tsu tisenga egae tsoña. Tsa'ma majan quenga ñotsse tsoña'chove afa'ninda Chiga tsu tisenga ñotsse tsoña.”

Génesis 49:9

Queta qui ttesi du'shua'can. Que indipa an'choma catipa ansundepa ccuipa ronda'je. Nane rande ttesia'caen qui andenga ccui. Tsa'caen ccui'ninda, ¿majan tsu quema noñangiaña?

Salmos 2:12

Nane tsa'caen tsombi'ta qui tse'faei'ccuyi pa'faya Na'su junde iyicca'yesi. Poiyi'cco tise've in'jamba coirayeye ji'chondeccuja ñoa'me avujatssi'faja.

Éxodo 23:22

Tsa'ma ñama sefacconi'su shondo'su su'choma ñotsse pañamba pa'cco ña manda'choma tson'ninda gi ñajan que'i'ccu iyiccosundeccui'ccu iyicco'jeya; toya'caen que'ima se'pisundeccuma gi sepi'jeya.

Números 22:12

Tsa'caen pañamba Chigaja Balaamnga su: —Tise'pai'ccu jajama ni tsa aindeccuma qqueñajama. Tsendeccuta tsu ña in'jan'cho aindeccu.

Números 22:6

Jundeyi jipa ñane tsendeccuma dañomba qqueñajan. Nane tsendeccu tsu ingima ti'tsse oshacho'fa. ¿Isha gi que tsa'caen tson'ninda ñajan tise'pama patsupa ña ande'ye tteya moeña'bi? Ñanda gi atesu que tsa'caen daya'cho qquen su'ninda ñoa'me tsa'caen da'choma. Nane ñotsse afa'ninda ñotsse tsu somboya; egae afa'ninda egae tsu somboya.”

Números 23:24

Nane ttesi jangipa aña'choma omboemba japa indipa tte'pputsse amba tsa'su anjampama cu'ipa ccuiqquia'can tsu.”

Números 24:10

Balaam tsa'caen afasi ande na'su Balacja ñoa'me tisema iyicca'ye. Iyicca'yepa tise tivema faesu tivei'ccu tssaijeñamba su: —¡Ñajan quema ttu'se ñama iyiccayesundeccuma egae afaye! Tsa'ma queja tres se tise'pane ñotsse afa.

Mateo 25:40

Qquen iñajampañasi na'su tsu suya: “Ñoa'me gi su: Osha'cho jongoesuve qui va ñame in'jamba utu'ccoandeqquianga ñotsse tson'da qui ñanga'qque tson.”

Mateo 25:45

Qquen iñajampaña'fasi Na'su tise'pama suya: “Que'i va ñame in'jamba utu'ccoandeqquianga jongoesuve fuitembi'ta qui ñama'qque fuite'fambi.”

Tson'fa'cho 9:5

Qquen susi Sauloja iñajampaña: —Na'su, ¿majan qui queja? Tsonsi sefane afa'je'choja su: —Ñanda gi Jesús, que noñangiamba mandiancan'cho. Queja ñama in'jangae tsincomba qui tisuma bove iñaccaen. Nane na'su quiccu'je'chonga vaura tsuipa tisuma ti'tsse iñaccaenqquia'caen qui tisuma bove iñaccaen.

Deuteronomio 30:7

Toya'caen Na'su que'i Chiga tsu osha'cho egae daqque'suve que'i enemigondeccunga tsoña, que'ima chi'gapa noñangiansundeccunga'qque.