Números 24:4 - Cofán: Chiga Tevaen'jen

⁴ Ñoa'me Chiga su'choma pañamba afa'cho tsu. Nane tiseja andenga ccuiye amppisi Osha'choma Oshacho'cho Chiga tisenga canjaemba tise tso'fema fettasi tsu atte.

Números 24:4 Iomraidhean Croise

Génesis 15:1

Tsama omboe Na'su Chigaja Abramnga attiamba tisema su: —Dyombe canjan Abram. Ña gi quema fuite'su. Ña quenga afeya'choja ñoa'me injan'tssiya tsu.

Génesis 15:12

Tayo cose jisi Abramjan ñoa'me anae'supa pa'ye'e ana. Tsa'caen ana'jen'ni pa'cco tise ccui'tti sintsse dasi Abramjan ñoa'me dyo.

Salmos 89:19

Tayopi queja queve in'jan'cho shondosundeccunga attiamba conda: “Ñambeve gi ña aindeccu'su dyombi'tssia tsandie chu'ama ttu'se. Ttu'sepa gi tisema fuitepa joccapitssia've tson.

Números 12:6

qquen su: “Va ña que'inga su'choma paña'faja: Minga'ni Chiga Aya'fama afa'su que'i'ccu can'jeni ñajan attian'choi'ccu toya'caen ayo'oni tisema afa'je.

Números 22:20

Tsequi cose Chigaja Balaamnga attiamba su: —Ñoa'me va aindeccu queve ji'fa'ninda jangipa tise'pai'ccu jaja. Tsa'ma jo'su ña su'choveyi tsu afaya'cho.

Números 22:31

Tsa'caen tson'jensi Na'su Chigaja tson cuintsu Balaam tsa sefacconi'su shondo'suma atteye, enttinge tsaiquini matichi'ccu ccutsu'choma. Tsama attepa Balaamjan camba'jui'ccu andenga puntssan ccui.

Números 24:15

Tsa'caen supa Balaamjan qquen su: “Vata tsu Beor dutssi'ye Balaam jai'ngae tsoña'chone afa'cho. Nane tso'fei'ccu tansintsse camba afa'cho tsu. Ñoa'me Chiga su'choma pañamba afa'cho tsu.

Números 24:5

Jacob aindeccu, ñoa'me ñotssi tsu que'i carpa tsa'o sheque'cho. Israendeccu, ñoa'me ñotssi tsu que'i can'jen'tti.

Tson'fa'cho 10:10

Chigama iñajan'jemba qquipoe'supa añe in'jan. Tsa'ma toya tise'be shoccoen'jen'ni Pedroja ayo'oqquia'caen attian'choma atte,

Tson'fa'cho 10:19

Pedro toya attian'choma asi'ttaen'jen'ni Chiga Qquendya'pa tisenga conda: —Tres a'i tsu queve tta'tta'je'fa.

Tson'fa'cho 22:17

Tsomba tse'i ña Jerusaléni ccase jipa gi Chiga ettini ja Chigama iñajañe. Iñajan'jemba gi paqquia'caen dapa

Canjaen'cho 1:10

Piccoyepa can'jemba gi Na'sumbe a'ta, Domingo, Chiga Qquendya'pa ñama in'jaensi aya'fama paña, ña sepaccofae quia'me afa'je'choma. Nane sundaro jeñaqque'suma jeñaqquia'caen tsu quia'me afa.

Canjaen'cho 1:17

Tisema attepa gi tise tsutteccofanga paqquia'caen amppi ccui. Tsa'ma tiseja tansinfa'su tivei'ccu ñama pporaemba su: —Dyombe canjan. Ña gi Me'ttie'su toya'caen Osefa'tti'su.