Números 24:3 - Cofán: Chiga Tevaen'jen

³ qquen jai'ngae tsoña'chove afa: “Vata tsu Beor dutssi'ye Balaam jai'ngae tsoña'chone afa'cho. Nane tso'fei'ccu tansintsse camba afa'cho tsu.

Números 24:3 Iomraidhean Croise

Números 22:31

Tsa'caen tson'jensi Na'su Chigaja tson cuintsu Balaam tsa sefacconi'su shondo'suma atteye, enttinge tsaiquini matichi'ccu ccutsu'choma. Tsama attepa Balaamjan camba'jui'ccu andenga puntssan ccui.

Números 23:18

Tsa'caen susi Balaamjan qquen su: “Zipor dutssi'ye Balac, ñotsse in'jamba ña su'choma pañajan.

Números 23:7

Tsa'caen attepa Balaamjan va su'choma conda: “Chiga sombo'jeni'su ccotta'cco Aramne gi ji moabita'su na'su Balac ttu'sesi. ‘Jipa israendeccuma qqueñañe afaja. Jacob aindeccuma egae in'janjan’ qquen tsu su.

Números 24:15

Tsa'caen supa Balaamjan qquen su: “Vata tsu Beor dutssi'ye Balaam jai'ngae tsoña'chone afa'cho. Nane tso'fei'ccu tansintsse camba afa'cho tsu. Ñoa'me Chiga su'choma pañamba afa'cho tsu.

Números 24:16

Na'su Chiga Balaamma in'jaensi tsu in'jamba afa'je. Nane andenga ccuiye amppisi Osha'choma Oshacho'cho Chiga tisenga canjaemba tise tso'fema fettasi tsu atte.

Números 24:4

Ñoa'me Chiga su'choma pañamba afa'cho tsu. Nane tiseja andenga ccuiye amppisi Osha'choma Oshacho'cho Chiga tisenga canjaemba tise tso'fema fettasi tsu atte.