Números 24:16 - Cofán: Chiga Tevaen'jen

¹⁶ Na'su Chiga Balaamma in'jaensi tsu in'jamba afa'je. Nane andenga ccuiye amppisi Osha'choma Oshacho'cho Chiga tisenga canjaemba tise tso'fema fettasi tsu atte.

Números 24:16 Iomraidhean Croise

Génesis 14:18

Toya'caen Melquisedec tsa Salem canqque'su na'su'qque tisema cachuiye ji. Tiseja Sefacconi'su Joccapitssia Chigama afa'supa pan, vinoma'qque ipa

Génesis 17:1

Tsomba Abram noventa y nueve canqque'fave an'bian'ni Na'su Chigaja tisenga attiamba su: —Ña gi Chiga Osha'choma Oshacho'cho. Ña in'janqquia'caen shacave me'cho canseja.

Números 24:15

Tsa'caen supa Balaamjan qquen su: “Vata tsu Beor dutssi'ye Balaam jai'ngae tsoña'chone afa'cho. Nane tso'fei'ccu tansintsse camba afa'cho tsu. Ñoa'me Chiga su'choma pañamba afa'cho tsu.

Números 24:17

Jai'ngae'su osha'choma gi atte. Ñoa'me jai'ngae'suma gi bianima atte. Fae o'fe tsu Jacob aindeccu'ye somboya. Fae Na'su tsu israendeccu'ye somboya. Tsaja camba'juma doñaqquia'caen Moab aindeccuma patsuya. Nane pa'cco Set dutssiyendeccumbe tsove tsu'ttama tsu doñaña.

Números 24:3

qquen jai'ngae tsoña'chove afa: “Vata tsu Beor dutssi'ye Balaam jai'ngae tsoña'chone afa'cho. Nane tso'fei'ccu tansintsse camba afa'cho tsu.

Números 24:4

Ñoa'me Chiga su'choma pañamba afa'cho tsu. Nane tiseja andenga ccuiye amppisi Osha'choma Oshacho'cho Chiga tisenga canjaemba tise tso'fema fettasi tsu atte.

1 Corinto'su 13:2

Ñajan Chiga su'choma pañamba condasepa, osha'cho Chiga condambe'yi tsoña'chove atesupa, Tise ma'caen tsoña'choma'qque atesupa, toya tisupapora ñotsse in'jambi'ta gi barembi. Nane Chigave in'jamba ccotta'cco randema joqquitssiye mandaye oshapa, toya tisupapora ñotsse in'jambi'ta gi barembi.

1 Corinto'su 8:1

Ja'ño condaseye gi in'jan chiga'ca'me ñoña'chonga afe'cho aña'chone. Ñoa'me poiyi'cco gi vane ñotsse atesu'fa. Tsa'ma tsa'caen atesu'ma gi panshaen patsupa afa'je'fa. Bove ñotssi tsu cca'ima ñotsse in'jañe. Nane Ñotsse in'jan'da gi fae'ngae fuitecco'faya.