Números 24:10 - Cofán: Chiga Tevaen'jen

¹⁰ Balaam tsa'caen afasi ande na'su Balacja ñoa'me tisema iyicca'ye. Iyicca'yepa tise tivema faesu tivei'ccu tssaijeñamba su: —¡Ñajan quema ttu'se ñama iyiccayesundeccuma egae afaye! Tsa'ma queja tres se tise'pane ñotsse afa.

Números 24:10 Iomraidhean Croise

Números 22:11

“Egiptone tsu tsain'bitssia aindeccu jipa pa'cco andenga on'bapa ja'ñojan ñai'ccu pporotsse can'jen'fa. Jundeyi jipa ñane tsendeccuma qqueñajan. ¿Que tsa'caen tson'ninda ti gi ñajan tise'pama patsupa ña ande'ye tteya moeña'bi?”

Números 22:17

Jisi gi quema joccapitssia've tsoña. Toya'caen pa'cco que iñajan'choma gi tsoña. Tsa'ma jipa ñoa'metsse va aindeccuma qqueñajan.”

Números 22:6

Jundeyi jipa ñane tsendeccuma dañomba qqueñajan. Nane tsendeccu tsu ingima ti'tsse oshacho'fa. ¿Isha gi que tsa'caen tson'ninda ñajan tise'pama patsupa ña ande'ye tteya moeña'bi? Ñanda gi atesu que tsa'caen daya'cho qquen su'ninda ñoa'me tsa'caen da'choma. Nane ñotsse afa'ninda ñotsse tsu somboya; egae afa'ninda egae tsu somboya.”

Números 23:11

Tsa'caen su'jesi Balacja Balaamma su: —¿Mincón qquen qui tson'jen? Ñanda gi quema i va ñai'ccu iyiccosundeccuma qqueñañe. Tsa'ma queja tise'pane ñotsse afa'je.

Números 24:11

¡Bove ñotssi tsu que tsaoni junde jaye! ¡Ñajan ñotssiama quenga afeye qquen susi tsu que ‘Na'suja’ se'pi ña tsa'caen afeye!

Números 24:9

Ño'faye ccui'ta tsu ttesia'caen attiaña. Tsa'cansi majañi'qque tisema jangiañe oshambi. ¡Majan quema ñotsse afa'ta cuintsu ñotsse daye! ¡Majan quema dañoñe egae afa'ta cuintsu egae daye!”

Tson'fa'cho 11:10

Tres se tsa'caen ñanga attiamba tsu pa'cco sarupa toequi sefacconi ansunde.