Números 23:9 - Cofán: Chiga Tevaen'jen

⁹ Va se'fatssia ccotta'cco'su patuvo'cho'ye gi atteye osha. Vambe tansin'chone gi can. Tsa aindeccuta tsu cca'tti can'jen'fa. Faesu a'iacan'fambi tsu. Sisipa'caen tsu tsendeccuja tsain'bitssi'fa.

Números 23:9 Iomraidhean Croise

Éxodo 33:16

Nane tsa'caen que fuitecambian'da gi faesu aindeccui'ccu fae'ngatssia've da'faya. Tsa'ma que ingi'ccu fae'ngae jacamba fuite'yi'ta gi in'jan'fa ingija que aindeccu'fa toya'caen que ingima ñotsse in'jan'chove'qque.

2 Corinto'su 6:17

Toya'caen cca'ttinga Na'su Chigaja su: Tise'pa'ye sombopa attufaccopa canse'faja. Tise'pa egae tsincon'chonga'qque catse'fajama. Ñani jisi gi que'ima in'jamba

Titonga 2:14

Tise tsu tisuma afepa pa ingima ccushaeñe osha'cho egae tsincon'cho'ye. Ingima tsu ccushaen cuintsu tise a'ive dapa egae tsincon'chove mecho canse'faye. Ñoa'me ingija tise aindeccupa gi ñotsse tsoña'chove in'jamba canse'fa.

1 Pedro 2:9

Tsa'ma que'imajan Chiga in'jamba ttu'sesi qui Tisema afasundeccuve dapa Na'suma shondocan'fa. Que'ija egave mechoa aindeccu qui. Que'ija Chigambe a'i'fa qui Tise ñotsse tson'choma condaseye. Tiseja que'ima ttu'sepa sinttia'ye somboen Tise ñotssia a'tatssiani can'jen'faye.