Números 23:3 - Cofán: Chiga Tevaen'jen

³ Tsa'caen tson nanimba Balaamjan Balacnga su: —Queja va'tti va oque'je'choi'ccu can'jenjan, ña japa atesuye Na'su Chiga te ñama cachuiye ji've'se. Tsene jipa gi quenga condaya tise ñanga attiamba su'choma. Tsomba tse'i Balaamjan a'i menia'su ccotta'cconga jasi

Números 23:3 Iomraidhean Croise

Génesis 22:13

Tsa'caen susi Abraham piyicamba atte oveja quitsa'yema. Nane tsaja tise can'cho quini'ccosinga indiyepa ccutsu. Attepa japa ovejama indipa fi'tti. Fi'ttipa oque o'raemba Chiganga afe. Nane tise du'shuma ccushaen'su ovejama tsa'caen fi'ttipa afe.

Génesis 22:2

Tsonsi Chigaja su: —Que dutssi'ye fae'ccoa Isaacma qui ñotsse in'jan. Tisema angapa Moriah andeni jaja. Tseni japa ña quema canjaen'cho ccotta'cconga ansundepa que du'shuma fi'ttipa oqueja ñanga afeye.

Génesis 8:20

Tsonsi Noéjan Na'su Chiganga afeye oque'je'chove ccutsiamba osha'cho anqque'su vaura, oveja'can'ma, osha'cho anqque'su chhiririama'qque isupa oquepa Na'su Chiganga afe.

Números 23:12

Tsonsi Balaamjan su: —Tayo gi conda, ñajan jo'su Na'su Chiga su'choveyi gi suya qquen.

Números 23:15

Tse'ttinga tsu Balaammajan Balacma su: —Queja va'tti va oque'je'choi'ccu can'jenjan ña japa Chigama cachui'ngaye.

Números 23:2

Tsa'caen susi Balacja Balaam suqquia'caen tson. Tsa'caen tsomba tsa dos fae'ngae oque'fa. Nane poi tsu fae vaura du'shu, fae oveja poi oque'je'chonga ottaemba oque'fa.

Números 23:26

Tsa'caen susi Balaamjan su: —¿Minga'in ñajan jo'su ‘Na'su Chiga mandaqquia'caeñi afaya’ qquenjan su?

Números 23:4

Chigaja tisenga attian. Attepa Balaamjan Chiganga su: —Siete oque'je'chove gi ñoña. Poiyi'cconga gi vaura du'shu, toya'caen ovejama'qque oque.

Números 24:1

Tsa'ma Balaamjan Na'su Chiga Israelma ñotsse tsoñe in'jan'choma in'jamba tise tayoe a'tutsse japa afa'jeqquia'caen tsombe tansintsse a'i menia'ma can.

Mateo 4:8

Ccase qqueñacañe in'jamba cocoya na'suja Jesúsma se'fatssia ccotta'cco tansinfanga angapa tse'faei'ccuyi pa'cco a'i can'jen'cho andema canjaen. Tise'pa ñotssiama canjaemba