Números 23:21 - Cofán: Chiga Tevaen'jen

²¹ Nane atte'fambi tsu Israendeccu, tsa Jacob aindeccu, afopoen'cho ni egae tson'choma. Tise'pa Na'su Chiga tise'pai'ccu can'jensi tsu tise'paja tisema Na'suve an'bian'fa.

Números 23:21 Iomraidhean Croise

Salmos 103:12

Tayo tsu ingi egae tsincon'choma joqquitssian. Nane chiga sombo'je'cho chiga amppi'je'cho'ye biani jinqquia'caen ingi egae tsincon'choma biani joqquitssian.

Salmos 23:4

Mapán sinjunccuni andepa sinttianga japa paye tson'jen qquen in'jan'ni'qque qui, que Na'su, ñai'ccu can'jensi jongoesunga egave dambi. Nane que accuicco'cho, que an'ccoi'ccu qui ovejama fuiteqquia'caen ñama fuite'je.

Salmos 32:2

Avujatssi tsu tsa a'ija tise injama'choni afopoembe cansesi Na'su tise egae tsincon'choma agattombisi.

Salmos 32:5

Tsa'caen dapa gi in'jamba ña egae tsincon'choma quenga conda. Jongoesuveyi'qque a'tumbitsse gi in'jamba su: “Na'sunga gi ña egae tsincon'choma condaya.” Condasesi qui tsa egae tsincon'cho shacama joqquitssian.

Salmos 97:1

¡Avuja'faja, poi ande'su aindeccu! ¡Avuja'faja, poi anttepo'choni can'jensundeccu! ¡Na'su Chigaja ñoa'me Na'su tsu!

Éxodo 13:21

Poi a'ta tsu Na'su Chigaja unjimba'ccoi'ccu fuitepa canjaen'jen maningae ja'faya'chove. Toya'caen coseta tsu si'ngei'ccu sefane chanjiemba canjaen'jen. Tsa'caen canjaensi pa'cco a'ta pa'cco cose'qque jaye osha'fa.

Éxodo 3:12

Tsa'caen susi Chigaja su: —Ña gi quei'ccu can'jeña. Toya'caen va canjen'chota tsu ñoa'me ñotsse canjaemba quema manda'cho: Maqui a'ta queja, ña aindeccuma Egipto'ye somboen'da qui que'i poiyi'cco va'ttinga jipa ñama iñajan'faya.

Éxodo 34:9

qquen su: —¡Na'su! ¡Na'su! Ñoa'metsse que ñama in'jan'da ingima angacanjan. Va aindeccuta tsu ñoa'me injiengembitssi'fa. Tsa'ma ingi egae tsincon'choma aqque'papa ingija quembe'fa qquen injan'jenjan.

Isaías 1:18

Na'suja qquen su: “Ji'faja. Jinge que'i egae tsincon'chone condasecco'faye. Que'i egae tsincon'cho cutsse amundeqquia'caen que'ima daño'ni'qque gi me'tsse chandisu'ccoa'caen tototssia've que'ima giyaeña. Nane sarupa cu'a da'choma giya'tsse oveja tose'caen tototssia've tsonqquia'caen gi que'ima'qque tsa'caen giyaeña.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Joel 2:27

Tsequi a'ta qui ñajan Na'su, que'i Chiga, Israelni can'jen'cho qquen in'jan'faya. Nane faesuve me'i'on tsu. Minguite'qque ña aindeccuja ccase ansange'faya'bi.

Números 14:18

‘Ñajan junde iyicca'yeye atesumbi.’ Ñoa'me ñotsse qui injancho. Egae tsinconsundeccu, toya'caen pañambiqquia'caen tsinconsundeccu tsincon'choma qui aqque'papa ñoquiya. Tsa'ma quema chi'gapa egae tsincon'sumbe injama'choma somboemba tise dushundeccumbe, tsambe du'shumbe dushundeccumbe toya'caen tsambe dushundeccumbe injama'choma qui somboeña.

Números 14:19

Chigáne que ñoa'me injancho'choma canjaemba va aindeccu egae tsincon'choma aqque'papa ñoquija. Nane ñoa'me tise'pa Egiptoni can'jeinte ashaemba vani nepiya'ngae tise'pama mende'yepa ñoquiqquia'caen ccase mendeyepa ñoquija.

Números 16:3

Poiyi'cco tsendeccu tsu bopa Moisés toya'caen Aarónma afasepa qquen su'fa: —¡Tayo tsu naniña'cho que'i ingima ti'tsse'tssia've da'choma! Nane poiyi'cco gi Chiga aindeccusi tsu Na'su Chigaja poiyi'cco ingi'ccu can'jen. Tsa'ma, ¿jongoesie qui que'ija Na'su Chiga aindeccumbe Na'su qquen in'jan'fa?

Mateo 1:23

Toya tsandiei'ccu cansembi'choa pushesu tsu surie dapa tsandie du'shuve isuya. Du'shumbe iniseja Emanuelya tsu. Chiga ingi'ccu can'jen, qquen tsu suye in'jan.

Romanos 6:14

Nane egae tsincon'choja ja'ño que'ima mandaye oshambi. Manda'cho'qque ja'ño que'ima mandambisi Chiga tsu que'ima mende'yepa in'jamba manda.

Romanos 8:1

Majan Jesucristoi'ccu jincho'ninda Chigaja tsambe injama'choma somboeña'bi tsangae paya'chove. Tsendeccuja tisu ai'vo in'jan'choma catipa Chiga Qquendya'pa in'jan'choma tsu in'jan'fa.

2 Corinto'su 2:14

Chiganga gi avujatsse afa. Nane Cristoi'ccu Tiseja ingima tansintsse angacansi gi tsangae patsu'fa. Te'ta ño'metssia'ma shonchhaenqquia'caen Chigaja ingi'ccu poi ande'su aindeccuma Cristone condase. Condasesi poiyi'cco tsu paña'fa.

2 Corinto'su 5:19

Nane Chigaja Cristoi'ccu fae'ngae jinchopa Cristoja pa poiyi'cco a'ima tisunga ñoquiañe. Toya'caen aindeccu egae tsincon'cho shacama'qque fi'tti. Va ñoquian'sune condase'choma'qque Chigaja inginga condase cca'indeccunga condase'faye.

2 Corinto'su 6:16

¿Tivei'ccu ñoña'cho chigata ti Chiga ettini jincho? Me'i. Nane Chiga que'i ai'voni can'jensi qui que'ija ñoa'me Chiga etti'fa. (Tsa'cansi ñoña'cho chigaja fae'ngae jinchoye oshambi.) Nane Chigaja que'ine su: Ña gi tise'pai'ccu can'jemba jacaña. Tise'pa Chigave gi daya. Tise'paja ña a'ive tsu da'faya.

Jueces 6:13

Pañamba Gedeónjan su: —Na'su ñoa'me ingi'ccu can'jen'ninda ¿ma'caen gi ingija qquen vana'jen'fa? Ingi coenzandeccu Na'su ñotsse tson'jeña'chone condase'choma'qque gi toya atte'fambi. Nane ‘Na'su tsu ingima Egipto'ye somboen’ qquen su'fa'ni'qque tsu Na'suja ja'ño ingima antte cuintsu madiandeccu ingima mandapa vanae'jeñe.