Números 22:6 - Cofán: Chiga Tevaen'jen

⁶ Jundeyi jipa ñane tsendeccuma dañomba qqueñajan. Nane tsendeccu tsu ingima ti'tsse oshacho'fa. ¿Isha gi que tsa'caen tson'ninda ñajan tise'pama patsupa ña ande'ye tteya moeña'bi? Ñanda gi atesu que tsa'caen daya'cho qquen su'ninda ñoa'me tsa'caen da'choma. Nane ñotsse afa'ninda ñotsse tsu somboya; egae afa'ninda egae tsu somboya.”

Números 22:6 Iomraidhean Croise

Génesis 12:3

Majan quema in'jamba ñotsse afa'ninda gi tise'pama ñotsse tsoña. Tsa'ma majan quema afase'ninda gi tise'pama egae tsoña. Nane quei'ccu tsu poi ande'su aindeccuja Ña ñotssiama isu'faya.”

Génesis 27:29

Tsain'bio a'i tsu quema paña'faya. Nane faesu ande'su aindeccu'qque quenga ccaru dyai'faya. Que antiandeccuma'qque qui mandaya. Nane que mamambe dushundeccu'qque quenga ccaru'faya. Majan quenga egae tsoña'chove afa'ninda Chiga tsu tisenga egae tsoña. Tsa'ma majan quenga ñotsse tsoña'chove afa'ninda Chiga tsu tisenga ñotsse tsoña.”

Proverbios 26:2

Chhiriria qque'cho, ppuppuju'cho tsao'pa me'choa injanga iyu'ña'qquia'caen tsu faesuma injanga afase'choja barembi.

Números 22:12

Tsa'caen pañamba Chigaja Balaamnga su: —Tise'pai'ccu jajama ni tsa aindeccuma qqueñajama. Tsendeccuta tsu ña in'jan'cho aindeccu.

Números 22:17

Jisi gi quema joccapitssia've tsoña. Toya'caen pa'cco que iñajan'choma gi tsoña. Tsa'ma jipa ñoa'metsse va aindeccuma qqueñajan.”

Números 23:13

Tsa'ma Balacja ccase afapa su: —Ñai'ccu jija cca'ttinga. Tse'ttieta qui pa'ccoma attembipa jo'su canqque utufaveyi atteya. Tseni japa tise'pane egae afaja.

Números 23:27

Tsonsi Balacja su: —Jija cca'ttinga gi quema angaya. ¿Tseni ja'ninda ti Chigaja antteya'bi que israendeccune egae afaya'chove?

Números 24:9

Ño'faye ccui'ta tsu ttesia'caen attiaña. Tsa'cansi majañi'qque tisema jangiañe oshambi. ¡Majan quema ñotsse afa'ta cuintsu ñotsse daye! ¡Majan quema dañoñe egae afa'ta cuintsu egae daye!”

Tson'fa'cho 16:16

Tsomba fae a'ta ingija Chigama iñajan'jeni jayipa fae chu'a pushesu conda'su cocoya ca'ni'choma cachui'fa. Tsa pushesuja jai'ngae daya'choma condaseye osha. Tsa'caen condasesi tise patróndeccuja ñotsse gana'fa.

1 Samuel 17:43

qquen su: —¿Ñanda ti gi ain? ¿Jongoesie qui tsa'caen quini'ccoi'ccu ñama ochhaiye ji? Tse'faei'ccuyi Davidma afaseye ashaen. Nane tisu chigama'qque iñajan Davidma egae tsoñe.