Números 22:18 - Cofán: Chiga Tevaen'jen

¹⁸ Tsa'ma Balaamjan su: —Mapán Balac tise tsaoni cori, totoacorima'qque on'ba'e an'biamba afe'ni'qque ñajan Na'su ña Chiga mandambi'choa'ma mingae tsoñe'qque oshambi. Nane ni injan'tsse ni re'riccoeyi'qque tsoñe oshambi Na'su tsa'caen mandambiya'da.

Números 22:18 Iomraidhean Croise

Daniel 5:17

Tsa'caen susi Danielja qquen su: —Ñanda gi pa'cco va ttuccu utufanga tevaen'choma Que Ti'tsse'tssianga jongoesu qquen suye in'jan'choma condaya. Tsa'ma que afeye su'choja cuintsu pasaja; tsambi'ta majan quei'ccu na'su tsaoni can'jeñe injan'chonga afeja.

Números 22:19

Tsa'ma ja'ño cose'qque vani ana'faja. Tsonsi gi ñajan Na'su Chigama iñajampañamba atesuya tise mingae su'choma.

Números 22:38

Tsonsi Balaamjan su: —Nane tayo gi quema can'su jipa can'jen. Tsa'ma oshambi gi tisutsse in'jan'choma afaye. Ñanda gi jo'su Chiga su'choveyi afaye osha.

Números 22:8

Pañamba Balaamjan su: —Ja'ño cose va'ttinga ana'faja. Ña gi Na'suma iñajampañamba tise su'choma que'inga condaya. Tsa'caen susi moabita'su coenzandeccuja tisei'ccu can'jen'fa.

Números 23:26

Tsa'caen susi Balaamjan su: —¿Minga'in ñajan jo'su ‘Na'su Chiga mandaqquia'caeñi afaya’ qquenjan su?

Números 24:12

Tsa'caen susi Balaamjan Balacnga su: —Tayo gi quenga condasesundeccunga, qquen conda:

Números 24:13

‘Mapán cori, totoacori que tsaoni jincho'choma afe'ni'qque ñajan Na'su Chiga su'choma pasapa ni ñotsse ni egae tsoñe oshambi gi. Toya'caen tisu in'jan'choma afaye oshambipa Na'su su'choveyi gi afaye osha.’

Tson'fa'cho 8:20

Tsonsi Pedroja su: —¡Cuintsu catiyeja que corifin'di'qque quei'ccu fae'ngae! ¿Jongoesie qui in'jan Chiga afe'choma corifin'di'ccu chavaye?

Titonga 1:16

Aya'fai'ccuja Chigave in'jan qquen tsu su'fa. Tsa'ma tise'pa tson'choi'ccu Chigama a'tien'fa. Tsa'cansi Chigaja tise'pama chi'ga. Nane tise'paja Chigama pañambipa ñotsse tsoñe osha'fambi.