Números 22:12 - Cofán: Chiga Tevaen'jen

¹² Tsa'caen pañamba Chigaja Balaamnga su: —Tise'pai'ccu jajama ni tsa aindeccuma qqueñajama. Tsendeccuta tsu ña in'jan'cho aindeccu.

Números 22:12 Iomraidhean Croise

Génesis 12:2

Quema ñotsse tsomba gi que dutssiyendeccui'ccu ti'tsse'tssi a'ive tsoña. Nane quei'ccu ña poiyi'cco a'ima ñotsse tsonsi tsu poiyi'cco a'i que inisema ñotsse afa'faya.

Números 22:11

“Egiptone tsu tsain'bitssia aindeccu jipa pa'cco andenga on'bapa ja'ñojan ñai'ccu pporotsse can'jen'fa. Jundeyi jipa ñane tsendeccuma qqueñajan. ¿Que tsa'caen tson'ninda ti gi ñajan tise'pama patsupa ña ande'ye tteya moeña'bi?”

Números 22:13

Ccaqui a'ta sinte Balaamjan jangipa Balac moesi ji'cho coenzandeccunga qquen su: —Ja'faja tisupa andeni. Na'su tsu se'pi ña que'i'ccu jaye.

Números 22:6

Jundeyi jipa ñane tsendeccuma dañomba qqueñajan. Nane tsendeccu tsu ingima ti'tsse oshacho'fa. ¿Isha gi que tsa'caen tson'ninda ñajan tise'pama patsupa ña ande'ye tteya moeña'bi? Ñanda gi atesu que tsa'caen daya'cho qquen su'ninda ñoa'me tsa'caen da'choma. Nane ñotsse afa'ninda ñotsse tsu somboya; egae afa'ninda egae tsu somboya.”

Números 23:23

Jacobma dañoñe moe'cho'qque barembi. Toya'caen israendeccuneja coraga'qque barembi. Ja'ñonda tsu ñoccatsse israendeccune qquen afaya'cho: ‘¡Mi'nge'e'qque tsu Chigaja que'i'ccu ñocca'tsse tson!’

Números 23:3

Tsa'caen tson nanimba Balaamjan Balacnga su: —Queja va'tti va oque'je'choi'ccu can'jenjan, ña japa atesuye Na'su Chiga te ñama cachuiye ji've'se. Tsene jipa gi quenga condaya tise ñanga attiamba su'choma. Tsomba tse'i Balaamjan a'i menia'su ccotta'cconga jasi

Números 23:8

Tsa'ma ¿ma'caen gi qqueñaña Na'su Chiga qqueñambian'da? Toya'caen ¿ma'caen gi egae in'jaña Na'su Chiga tsa'caen tsombian'da?

Números 24:9

Ño'faye ccui'ta tsu ttesia'caen attiaña. Tsa'cansi majañi'qque tisema jangiañe oshambi. ¡Majan quema ñotsse afa'ta cuintsu ñotsse daye! ¡Majan quema dañoñe egae afa'ta cuintsu egae daye!”

Mateo 27:19

Tsa'ma Pilato tsa'caen tise dyaipa'chonga dyaipa aindeccuma afa'je'ni tise pusheja qquen su'choma tisenga moen: “Va Jesús egae tsincombi'choa tsu. Tisene gi ja'ño cose dyo'oe ayo'o. Tisema egae tsonjama.”

Romanos 11:29

Nane Chigaja a'inga afepa ccase itsaya'bi. Tiseja a'ima ttu'sepa catiya'bi.

Efeso'su 1:3

Ñoa'me'qque ti'tsse'tssia tsu Chiga ingi Na'su, tsa Jesucristo Quitsa. Ingija Cristoi'ccu fae'ngae jincho'fasi Chigaja sefacconi osha'cho tsangae ñotssiave ingimbe tayo ñoña.