Números 21:7 - Cofán: Chiga Tevaen'jen

⁷ Tsa'caen pa'je'fasi Moisésni japa qquen su'fa: —¡Na'su Chiga toya'caen quema'qque afasepa gi ñoa'me egae tsincon'fa! ¡Na'su Chigama iñajanjan cuintsu ingi'ye iyoma joqquitssiañe! Tsa'caen su'fasi Moisésja Na'su Chigama iñajan cuintsu israendeccu egae tsincon'choma aqque'paye.

Números 21:7 Iomraidhean Croise

Génesis 20:17

Tsonsi Abrahamjan Abimelecne Chigama iñajan. Iñajansi Chigaja Abimelec, tise pushema'qque ccushaen. Poiyi'cco tise'pambe sema'su pushesundeccuma'qque ccushaen cuintsu ccase surie da'je'faye. Nane Abimelec Sarama tsa'caen itsasi tsu Na'su Chigaja poiyi'cco tseni'su pushesundeccuma pporaen cuintsu surive dambe'yi canse'faye. Tsa'ma ccushaensi ccase surie da'je'fa.

Génesis 20:7

Tsa'ma ja'ño tsa pushesuma tise tsa'ndunga afeja. Nane tise tsa'nduja ñane afa'su tsu. Tise que'ine ñama iñajan'ninda qui ccusha'faya. Tsa'ma tise pushema afembi'ta qui ñoa'me que, que aindeccu'qque pa'faya.”

Job 42:10

Job tsa'caen tise amigondeccune iñajansi Chigaja Jobnga ñotsse tson. Nane osha'cho tise tayoe an'bianqquia'caen ccase afepa ti'tsse tsa'cantsseyi ccase afe.

Job 42:8

Tsa'camba siete vaura quitsaye, siete oveja quitsayema'qque angapa Jobma can'su ja'faja. Tseni japa ñanga tsa vaura, ovejama'qque oque oraen'fasi tsu Jobja que'ine ñama iñajaña. Ñajan tise iñajan'choma pañamba que'i egae tsinconsi vanaeña'choma joqquitssiamba aqque'paya. Nane que'i ñama shondo'su Job ñane ñotsse tansintsse afaqquia'caen afambi'choa shacama gi aqque'paya.”

Salmos 106:23

Tsa'can'fasi Chigaja tise'pama fi'tti sefaeñe in'jamba susi Moisésja enttingenga ccutsupa Chiga iyicca'ye'choma vuiquian. Vuiquipa Chigaja ingima fi'tti sefaembi.

Salmos 78:34

Chiga tsa'caen tise'pama fi'tti'jesiyi tsu tsequi a'ta tise've tta'tta'fa. Nane anttembe'yi tise've ccase ttatta'je'fa.

Éxodo 10:17

Tsa'camba gi iñajan ja'ñoñi'qque ña egae tsincon'chone aqque'papa ñane Na'su Chigama iñajan'faja cuintsu va tsangae fi'ttiqque'su paqque'suma ña'ñe joqquitssiañe.

Éxodo 32:11

Moisésja tsa'caen in'jambipa Na'su Chigama ñoquiañe in'jamba qquen su: —Ña Na'su, ¿jongoesie qui que aindeccuma iyicca'ye? Nane queyi qui tise'pama Egiptone somboen osha'cho paqque'sui'ccu tsomba.

Éxodo 32:30

Ccaqui a'ta Moisésja aindeccunga su: —Que'ita qui ñoa'me egae tsincon'chove tson'fa. Tsa'cansi gi ja'ño ccase Na'su can'jeni ansundeya'cho. Tseni japa gi atesuya tise que'ima ñoqui'chove.

Éxodo 8:28

Tsa'caen susi faraónjan su: —Antteya gi que'i a'i menia japa Na'su que'i Chiganga oque oraemba afe'faye. Tsa'ma in'jambi gi que'i panshaen biani ja'faye. Toya'caen ñane'qque que'i Chigama iñajan'faja.

Éxodo 8:4

Nane sapoyi tsu buttotto'o shequeya que'ye, quema shondosundeccu'ye toya'caen poiyi'cco que aindeccu'ye'qque.’

Éxodo 8:8

Tsama attepa faraónjan Moisés toya'caen Aarónme ttu'senga'faye manda. Tise'pa jisi qquen su: —Na'su Chigama iñajan'faja cuintsu ña'ñe toya'caen ña aindeccu'ye sapoma joqquitssiañe. Tsa'caen tsonsi gi que aindeccuma antteya cuintsu japa Na'su Chiganga oque oraemba afe'faye.

Oseas 5:15

“Tisu can'jeni japa gi ronda'jeya tsendeccu tise'pa egae tsincon'choma in'jamba toequi shandapa ñama tta'ttaya'ngae. ¡Nane ñoa'me vana'jemba tsu ñama tta'tta'faya!”

Números 11:2

Tsa'caen setsasi aindeccuja Moisésma iñajan'fa cuintsu fuiteye. Tsonsi Moisésja Na'su Chigama iñajan tsendeccune. Iñajansi si'ngeja pa.

Mateo 27:4

angapa afepa su: —Egae tsincombi'choama fi'ttiye afepa gi egae tsincon. Tsa'ma Chigama afa'su nasundeccuja su'fa: —¿Jongoesie qui ingingata ji? Que tsa'caen tson'choja que in'jan'cho tsu.

Tson'fa'cho 8:24

Qquen susi Simónjan su: —Na'su Chigama iñajan'faja ñane que suqquia'caen ña dasa'ne.

Romanos 10:1

Faengasundeccu, ñoa'me injama'chone gi in'jan cuintsu israendeccu ccusha'faye. Tsa'caen in'jamba gi tise'pane Chigama iñajan'jen.

Santiago 5:16

Tsa'cansi egae tsincon'da tisupapora condasecco'faja. Toya'caen tisupaporane Chigama iñajan'faja cuintsu ccushaeñe. Ño'a a'i ñoa'me Chigama iñajan'nijan Chigaja pañamba osha'choma tsoña.