Números 20:2 - Cofán: Chiga Tevaen'jen

² Aindeccuja tsa'ccuve metsse dasi poiyi'cco Moisés, Aarónga bopa

Números 20:2 Iomraidhean Croise

Salmos 106:32

Toya'caen Meriba tsa'ccu jini Chigama iyicca'yean'fa. Tsa'caen tson'jemba Moisésma'qque vanae'fa.

Éxodo 16:12

—Paña gi israendeccu afase'choma. Tsendeccunga afapa qquen suja: ‘Sime qui aña'choma an'faya. Toya'caen tu'i sinte'ta panma qui tte'pputsse an'faya. Tse'i qui in'jan'faya ñoa'me ñajan Na'su que'i Chigave.’

Éxodo 16:2

Tseni a'i menia aindeccuja Moisés toya'caen Aarónma afaseye ashaen'fa

Éxodo 16:7

Toya'caen tu'i sinte qui atte'faya Na'su Chigambe ñotssiama. Nane tayo tsu paña que'i tisema afase'choma. ¿Ñoa'me ingima afase qquen in'jamba ti qui ingima afase'fa?

Números 14:2

Poiyi'cco tsendeccu tsu Moisés toya'caen Aarónma egae afapa qquen su'fa: “¡Egiptoni tsambi'ta va a'i menia pa'choecan'da bove ñotssiye'can!

Números 14:9

¡Tsa'ma Na'su Chigama pañambiqquia'caen tson'fajama ni tsa ande'su aindeccuma dyo'fajama! Nane tsendeccumanda gi panma anqquia'caen patsu'faya. Toya'caen majan tise'pama fuiteya'chove me'i'on tsu. Tsa'ma ingimajan Na'su Chiga tsu fuiteya. Tsa'cansi —¡Dyo'fajama!

Números 16:19

Coréja poiyi'cco aindeccui'ccu bopa tsa Chigama cachuicco'je'tti'su carpa jin'ttini Moiséspama isevetsse ccutsu. Tsa'caen ccutsu'fasi Na'su Chiga ñotssiaja poi aindeccunga attiansi

Números 16:3

Poiyi'cco tsendeccu tsu bopa Moisés toya'caen Aarónma afasepa qquen su'fa: —¡Tayo tsu naniña'cho que'i ingima ti'tsse'tssia've da'choma! Nane poiyi'cco gi Chiga aindeccusi tsu Na'su Chigaja poiyi'cco ingi'ccu can'jen. Tsa'ma, ¿jongoesie qui que'ija Na'su Chiga aindeccumbe Na'su qquen in'jan'fa?

Números 16:42

Poiyi'cco a'i shoquendi'e Moisés Aarón ccutsu'ttinga bo'fa. Tsa'ma tsa'caen bopa Cachuicco'je'tti'su carpama camba tse'faei'ccuyi atte'fa unjimba tsa carpama picco'choma, toya'caen Na'su Chigambe ñotssia attian'choma.

Números 21:5

Utu tsaiquingayi aindeccuja tisu injan'jen'choma qquepa Chiga Quitsa toya'caen Moisésma qquen afase'fa: —¿Jongoesie qui ingima Egiptone somboen'fa? ¿Va a'i menia jipa pa'faye in'jamba ti qui somboen'fa? Nane tsa'ccu ni aña'chove'qque me'cho'fa gi. ¡Panshaen toesu manámeñi amba gi tsangaeyi chi'ga'fa!