Números 20:1 - Cofán: Chiga Tevaen'jen

¹ Cuna canqque'fa ca'nimba nepi'cho ccovuni tsu israendeccuja Zin a'i menia nepi'fa. Tsomba Cadesni re'ricco can'jen'fa. Tseni can'jemba María pasi tse'ttinga a'tu'fa.

Números 20:1 Iomraidhean Croise

Génesis 14:7

Tsa'caen patsupa toequi shandapa jipa Quedorlaomer, tisei'ccu fae'ngae geraen'fa'chondeccu'qque En-mispatni nepi'fa. Tsa canqquembe faesu iniseja Cades. Tseni nepipa pa'cco amalecitandeccu andema da'ñomba sefaen cati'fa. Toya'caen tsa'caeñi tsu tson'fa amorreondeccumbe Hazezon-tamar andema'qque.

Éxodo 2:4

Toya'caen tsa du'shumbe she'shema manda cuintsu biacca ccutsupa caña'jeñe du'shuma mingae tson'fasa'ne.

Éxodo 2:7

Tsonsi tsa du'shumbe she'sheja sombopa faraón onque'ngema su: —¿In'jambi ti qui ña japa hebreo'su pushesuma ttu'sengaye cuintsu jipa va du'shuma chochoemba coeñañe?

Números 12:1

María toya'caen Aarón Moisésma egae afaseye ashaen'fa. Nane Moisés Cus ande'su pushesuma pushesi tsa'caen afase'fa.

Números 12:10

Tsa'caen japa unjimba'cco carpa tsa'o'ye joqquitssisi tse'faei'ccuyi María pa'cco tise ttono congomba tototsse da. Aarónjan Maríama piyicamba tise ttono congo'choma attepa

Números 12:15

Tsa'caen susi Maríaja canqque'ye joqquitssiangepa siete a'ta pa'cco ccani can'jen. María ccani can'jensi aindeccuja ccani jambe'yi tse'tti tise've ronda'je'fa.

Números 13:21

Tsa'caen mandasi aindeccuja tsa andema cañe japa Zin a'i menia'ñe ashaemba Rehobni nepi'fa. Tsa tsu Hamatni cani'jen'tti.

Números 13:26

toequi Cadesni jipa Parán a'i menia nepi'fa. Tse'tti tsu Moisés Aarón toya'caen poiyi'cco israendeccu can'jen'fa. Tsa'caen nepipa tisupa japa atte'choma condasepa tseni'su teta'choma'qque canjaen'fa.

Números 20:16

Tsa'caen vana'jemba gi Na'su Chigama iñajan'fa cuintsu ingima fuiteye. Tsa'caen ingi iñajan'fasi tsu tisema sefacconi'su shondo'suma moemba Egiptone ingima somboen. Ja'ñonda gi Cades canqqueni can'jen'fa que andei'ccu pporotsse.

Números 20:22

Poiyi'cco israendeccu Cadesne sombopa Hor ccotta'cconga ja'jengae ja'fa.

Números 20:28

Ansundepa Moisésja Aarón Chigama afa'su ondiccu'jema oshichhaemba Eleazarnga ondiqquian. Tse'ttinga Aarónjan ccotta'cco tansin'choni pa. Tsa'caen pasi tisema a'tupa Moisés toya'caen Eleazar ccotta'cco'ye ande'fa.