Números 17:10 - Cofán: Chiga Tevaen'jen

¹⁰ Tsonsi Na'su Chigaja Moisésnga su: “Aarón accuicco'chomajan ccase injancco'fa'cho cafon ccui'ttinga ccuiñajan. Tseni coira'jeja cuintsu va ñama pañambindeqquia injan'jen'faye. Tsama injan'jemba tsu ñama egae afambe'yi cansepa pambe canse'faya.”

Números 17:10 Iomraidhean Croise

Éxodo 16:32

Omboe Moisésja su: —Tsa'can tsu Na'su Chiga manda'choja: ‘Dos litro manáma taipa apinga on'boemba ñotsse coira'faja cuintsu que'i omba'su dushundeccu'qque atte'faye. Attepa tsu in'jan'faya ña que'ima Egiptone somboemba a'i menia angapa ofian'jen'choma.’

Éxodo 16:34

Na'su Chiga Moisésnga mandaqquia'caen Aarónjan apinga on'boemba Chiga a'i'ccu fae'ngae injancco'fa'chove canjaen'cho cafon jin'ttinga ccutsiamba coira'je.

Isaías 1:2

Sefacco, ande'qque Na'su su'choma paña'faja: “Dushundeccuma gi coeña coenzave daya'ngae. Tsa'ma tsendeccuja ñama pañambipa chi'ga'fa.

Números 14:5

Tsonsi Moisés toya'caen Aarón poiyi'cco aindeccu caña'jen'ni camba'jui'ccu andenga puntssamba ccui'fa.

Números 16:21

—¡Joqquitssi'faja va aindeccu ccutsu'ttie! ¡Junde gi tise'pama nepiañe tson'jen!

Números 16:38

Nane tsa oqueye'chondeccuja egae tsomba tsa'caen pa'fa. Tsa'ma tise'pa ñome'bama oque'je'choja ñanga afe'je'chopa tsu toya ñane'jan ñotssi. Tsa'cansi tsama isupa Chiganga afeye oque'je'choma oppoen'jeña'chove ñoña'faja. Tsa'caen ñoñamba oppoen'faja cuintsu israendeccu tsa ju'ru'choma injan'jen'faye.”

Números 16:40

Tsa'caen tsu tson'fa cuintsu israendeccu tsama attepa jo'su Aarón dushundeccuyi tsu ñome'bama afe'jeye osha'fa qquen injan'jen'faye. Nane majañi'qque cca'ija tsa'caen catsepa Na'sunga afeye oshambi, Coré toya'caen tisia'caen in'jan'chondeccu paqquia'caen pasa'ne. Na'su Chiga Moisési'ccu Eleazarnga mandaqquia'caen tsu pa'ccoma tson'fa.

Números 17:11

Moisésja pa'cco Na'su Chiga su'choma tson.

Números 17:4

I'fasi tsu Cachuicco'je'tti'su carpanga angapa injancco'fa'chove canjaen'cho cafon ccui'ttinga ccuiñaña'cho, tsa ña que'i'ccu cachuicco'je'ttinga.

Números 17:9

Tsa'caen dasi Moisésja poiyi'ccombe accuicco'choma Na'su Chiga can'jene somboemba poiyi'cco israendeccunga canjaen. Poiyi'cco atte'fasi accuicco'chombe nasundeccuja tisumbema isu'fa.

Números 20:9

Moisésja Na'su Chiga suqquia'caen tise can'jeni ccui'cho accuicco'choma isupa sombo.

1 Corinto'su 10:10

Ni Chigama afase'fajama. Majan tayopi'su israendeccu tsa'caen Chigama iyicca'yepa afasesi Chigaja manda Tisema sefacconi'su shondo'suma cuintsu tise'pama fi'ttiye.

Efeso'su 5:6

Injama'tse, cca'i afaccopa que'ima qqueña'fasa'ne. Poiyi'cco majan tsa'caen egae tsincon'da ñoa'me Chigama pañambindeqquia tsu. Tsa'caen tso'ninda Chiga Quitsaja ñoa'me tsendeccuma iyicca'yeya.

Hebreo'su 9:4

Sarupa picco'je'cho jin'tti tsu corima ñoña'chonga si'ngema oque'je'cho jin. Tseni tsu ñome'bama ccuiñamba Chiganga oque oraen'jen'cho. Toya'caen Chiga a'i'ccu fae'ngae injancco'fa'chove canjaen'cho cafon'qque tsu tsa enttinge'su cuartoni jin. Tsa cafonjan pa'cco cori'ccu oppoen'cho tsu. Nane sepaccofama naccufama'qque cori'ccu oppoen'cho tsu. Cafoni tsu cori api ppi. Nane tsa apini tsu Chiga a'inga afe'cho pan'can maná ppi. Toya'caen Aarón accuicco'cho'qque tsani ccui. Tsaja quini'cco samba sho'yo'cho tsu. Sho'yopa tsu Chiga Aarónme in'jan'chove canjaen. Toya'caen Chiga a'i'ccu fae'ngae injancco'faye manda'choma tevaen'cho patu'qque tsani ppi.