Números 16:41 - Cofán: Chiga Tevaen'jen

⁴¹ Ccaqui a'ta poiyi'cco israe'su aindeccu Moisés toya'caen Aarónma afaseye ashaen'fa qquen supa: —Que'i qui Na'su Chigambe aindeccuma fi'tti'je'fa.

Números 16:41 Iomraidhean Croise

1 Reyes 18:17

Acabja tisema attepa su: —¿Que ti qui ji, tsa Israel ande'suma noñangian'su?

Salmos 106:13

Tsa'ma junde tsu Chiga ñotsse tson'choma aqque'papa ron'daye in'jan'fambi tise in'jan'choma atesuya'chove.

Salmos 106:23

Tsa'can'fasi Chigaja tise'pama fi'tti sefaeñe in'jamba susi Moisésja enttingenga ccutsupa Chiga iyicca'ye'choma vuiquian. Vuiquipa Chigaja ingima fi'tti sefaembi.

Jeremías 38:4

Tsonsi Jeremíasma pañasundeccuja na'su Sedequíasnga su'fa: —Va a'imajan fi'ttiya'cho. Nane tise aya'fai'ccu tsu va canqqueni toya canjen'su sundarondeccumbe injama'choma chapiamba aindeccumbe injama'choma'qque chapian'jen. Ingima fuitembipa aqquia daño'su tsu.

Amós 7:10

Betelni'su Chigama afa'su, Amasíasja, manda Israel ande na'su Jeroboamnga cuintsu qquen condaye: “Amósja Israel aindeccuma in'jaen cuintsu fae'ngae ñoñamba Que Ti'tsse'tssiama daño'faye. Ñotssimbi tsu tise toyayi afa'jepa va andesundeccuma tsa'caen ccaningae in'jaeñe.

Números 14:2

Poiyi'cco tsendeccu tsu Moisés toya'caen Aarónma egae afapa qquen su'fa: “¡Egiptoni tsambi'ta va a'i menia pa'choecan'da bove ñotssiye'can!

Mateo 5:11

Que'i majan ñame in'jansi cca'indeccu que'ima afasepa, noñangiamba osha'cho egave afopoen'ni'qque qui ñoa'me avujatssi'fa.

Tson'fa'cho 21:28

Qquen tsu fundo'fa: —¡Israe'su aindeccu, ingima fuite'faja! Va tsu poi andenga japa ega've atesian'su. Egae tsu afa'je ingi aindeccune, Moisés manda'chone'qque, va Chiga ettine'qque. Toya'caen va Ñotssia Chiga can'jen'choma tsu egae daño, griegondeccuma Chiga ettinga anga ca'niamba.

Tson'fa'cho 5:28

—Tayo gi que'ima quia'me manda Jesúsne atesiambe can'faye. Tsa'ma tsa'caen se'pi'fa'ni'qque ¿toya ti qui tsa'caen atesian'jen'fa? Nane ja'ñojan poiyi'cco Jerusalensundeccu tsu que'i atesian'jen'choma paña'fa. ¿Ñoa'me inginga ti qui Jesúsma fi'tti'fa'cho shacama antteye in'jan'fa?

1 Corinto'su 10:10

Ni Chigama afase'fajama. Majan tayopi'su israendeccu tsa'caen Chigama iyicca'yepa afasesi Chigaja manda Tisema sefacconi'su shondo'suma cuintsu tise'pama fi'ttiye.

2 Corinto'su 6:8

Majan a'ija ingima pañamba in'jan'fa. Tsa'ma cca'indeccuja ingima chi'ga'fa. Majan a'ija ingima ñotsse afa'fa. Tsa'ma faesundeccuja ingima afase'fa. Afopoensundeccu qquen su'fa'ni'qque ñoa'me tansintsse gi afa'je'fa.

Judas 1:16

Tsa egae atesiansundeccuja ñotsse injiengembipa panshaen iyicca'yepa afa'je'fa. Iyicca'yeye in'jamba tsu osha'cho egave ttatta'fa. Tisupa in'janqquia'caeñi tsu tsoñe in'jan'fa. Tisuja ñotssi qquen in'jamba patsuye'yi afa'je'fa. Nane ñotssiama isuye in'jambayi tsu faesuma ñotsse afa'fa.