Números 16:22 - Cofán: Chiga Tevaen'jen

²² Tsa'ma Moisés Aarón'qque andenga puntssan ccuipa qquen su'fa: —Chiga Quitsa, que qui poi aindeccuma cansian'su. ¿Tsa'caen ti qui fae a'i egae tsincon'chone poi aindeccuma iyicca'yeya?

Números 16:22 Iomraidhean Croise

Génesis 18:32

Toya'caen Abrahamjan su: —Chigáne, ña Na'su, ñama iyicca'yejama. Tsa'ma ti'tsse fae seyi gi afaya. ¿Mingae qui tsoña aqquia diez ño'andeccuma atte'ta? Tsonsi Na'suja su: —Nane ñoa'me ño'andeccuma diezve atte'ta gi tsa canqquesundeccuma fi'ttiya'bi.

Jeremías 32:27

“Ña gi Na'su, Osha'cho Cansian Jinchombe Chiga. Me'i'on tsu ña oshambi'choa've.

Jeremías 38:16

Tsa'caen susi na'su Sedequíasja a'tutsse Jeremíasnga ñoa'metsse su'choi'ccu qquen su: —Na'su Chiga paña'jen'ni gi tansintsse su, quema fi'ttiya'bi gi ni quema fi'ttiye in'jan'chondeccunga afeya'bi gi.

Levítico 10:6

Omboe tsu Moisésja Aarónga toya'caen tise dutssiyendeccu, Eleazar, Itamarnga'qque qquen su: —Que'i tosema fuchhambe injanga anttejama ni que'i ondiccu'jema chittajama ñombi'ye'choma canjaeñe. Nane tsa'caen tson'ninda isha tsu Chigaja que'ima fi'ttipa poi israendeccuma'qque iyicca'yeya. Tsa'ma que'i antiandeccu, toya'caen poi israendeccu tsu Nadab'ye, Abiú'ye egae tsonsi Na'su Chiga ju'rutssia si'ngema moemba fi'tti'chone ñombi'yeye osha'fa.

Levítico 4:3

“Chigama afa'su na'su egae tsincon'da tsu poiyi'cco israendeccune'qque shacaen. Tsa'caen egae tsincon'da tsu vaura quitsaye chu'a, egave me'choama, Na'su Chiganga afeya'cho tise egae tsincon'choma ccuchaye.

Zacarías 12:1

Va tsu Na'su Chiga Israelne su'cho. Nane Na'suja sefaccove attajaenqquia'caen agattoemba andeve'qque ccuiñaqquia'caen agattoen. Toya'caen tise qquendya'pai'ccu a'ima qquendyaemba cansian. Tsa agattoemba cansian'su tsu tansintsse qquen conda:

Números 14:5

Tsonsi Moisés toya'caen Aarón poiyi'cco aindeccu caña'jen'ni camba'jui'ccu andenga puntssamba ccui'fa.

Números 16:23

Tsa'caen susi Na'su Chigaja Moisésnga su:

Números 16:4

Tsama pañamba Moisésja camba'jui'ccu andenga puntssan ccuipa

Números 16:45

—¡Joqquitssi'faja va aindeccu'ye! ¡Junde gi tise'pama fi'ttiye tson'jen! Tsama pañamba Moisés toya'caen Aarón andenga puntssan ccuipa

Romanos 5:18

Tsa'caen fae a'i, Adán, egae tsinconsi Chigaja manda cuintsu poiyi'cco vana'faye. Tsa'ma faesu a'i, tsa Jesucristo, ñotsse tsonsi Chigaja tsama in'jamba poiyi'cco a'i ño'a'fa qquen supa tise'pama cansian.

1 Corinto'su 13:7

Ñotsse in'jan'choja ñombi'yembe'yi osha'chone vana'jen'fa. Ñotsse in'jan'choja osha'cho ñotssiave in'jamba tsave ronda'je'fa. Vana'je'an'qque dyombe'yi opatsse canse'fa.

Hebreo'su 12:9

Toya'caen va andeni cansepa gi ingi yayandeccuma ñotsse in'jamba paña'fa. Ingima nafattaiamba iyu'upa vanaensi gi pañamba tise'pama ti'tsse ñotsse in'jan'fa. Tsa'caen tise'pama pañasi ingi sefacconi'su Yaya ingima nafattia'ninda gi ti'tsse Tisema pañamba ñotsse in'jan'faya'cho. Tsayita gi ñoa'me canseye ashaen'faya.