Números 16:13 - Cofán: Chiga Tevaen'jen

¹³ ¿‘Ñotssi tsu’ qquen ti qui in'jan que ingima chocho, tuño cuñajun'cho shacambitssia ande'ye joqquitssiansi cuintsu va a'i menia qquipoe'supa pa'faye? Toya'caen: ¿‘Ñotssi tsu’ qquen ti qui in'jan ingima ti'tsse joccapitssia na'suve daye qquen in'jamba?

Números 16:13 Iomraidhean Croise

Éxodo 1:11

Tsa'caen in'jamba egiptondeccuja mandasundeccuve ccutsiamba manda'fa cuintsu israendeccuma aiye'pa semambanga ca'nia'faye. Tsa'caen ca'niamba manda'fa cuintsu Pitón canqque toya'caen Ramsés canqqueve ñoña'faye. Nane egipto'su na'su faraónda tsu tsa canqqueve ñoña'faye manda tise an'bian'cho trigoma tseni boñañe.

Éxodo 1:22

Tsa'caen tson'jen'fasi faraónjan manda poiyi'cco tise aindeccuma qquen supa: “Hebreosundeccu tsandie du'shuve isu'ninda na'enga ttova cati'faja. Tsa'ma pushesu du'shuve isu'ninda antte'faja cuintsu canseye.”

Éxodo 16:3

qquen supa: —Ma'caen'qque Na'su Chiga ingima Egiptone somboembiecan'da gi tseni pa'faye'can. Tseninda gi aña'cho api'ccu pporotsse dyaipa tteppu'tsse an'jen'fa. Tsa'ma que'ija va a'i menianga i'fa ingi poiyi'ccoma qquipoe'sian fi'ttiye.

Éxodo 17:3

Tsa'ma aindeccuja tsaqquie'supa Moisésma afase'fa qquen supa: —¿Jongoesie qui ingima Egiptone somboen? ¿Aqquia ingima tsaqquie'sian fi'ttiye ti qui somboen, toya'caen ingi dushundeccu, ingi aiña'choi'ccu fae'ngae?

Éxodo 2:14

Tsa'caen susi tssetsse'suja su: —¿Majan tsu quemajan ingi injama'choma somboen'su na'suve tson? ¿Ñama'qque ti qui fi'ttiye in'jan egipto'suma fi'ttiqquia'caen? Tsama pañamba Moisésja ñoa'me dyo. Nane tse'i tsu in'jan tayo tise egipto'suma fi'tti'chove atesu'fa'choma.

Éxodo 2:23

Tsa'caen jasi can'jemba egipto'su na'suja pa. Israendeccuja ñoa'me vana'jemba ñombi'yepa fundo'je'fa tise'pa sema'suve tsangae ca'ni'choma asi'ttaemba. Tsa'caen ina'jen'fa'choma Chigaja pañamba

Números 11:20

Tsa'ma fae ccovu pa'ccone gi afeya cuintsu tsofátuni so'mbotsse amba chi'gatsse an'faye. Nane ña tise'pai'ccu can'jen'ni'qque tsu ñama chi'gapa cati'fa. Ñama catipa tsu ña paña'jen'ni i'namba su'fa: ‘¿Jongoesie gi Egiptone sombo'fa?’

Números 11:4

Toya'caen israendeccui'ccu fae'ngae jacan'cho injanga cansesundeccu jo'su aña'choveyi añe injan'jen'fa. Faesu israendeccuma in'jaensi poiyi'cco i'nañe ashaemba su'fa: “¡Aña'cho te jiñe'can cuintsu ingi an'jeñe!

Números 11:5

Nane injan'jen gi ingi Egiptoni can'jemba aqquiatsse asipa avuma an'jen'choma. Toya'caen gi tseni an'jen'fa pepino, melón, sevoya, totoa sevoya, toya'caen ajoma.

Números 13:27

Canjaemba Moisésnga su'fa: —Ja'fa gi que ingima manda'cho andeni. Ñoa'me tsu tsenijan chocho toya'caen tuño cuñajun'cho'qque shacaya'bi. Toya'caen va tsu tseni naqque'su teta'cho.

Números 14:2

Poiyi'cco tsendeccu tsu Moisés toya'caen Aarónma egae afapa qquen su'fa: “¡Egiptoni tsambi'ta va a'i menia pa'choecan'da bove ñotssiye'can!

Números 14:3

¿Jongoesie tsu Na'su Chigaja va andeni ingima i? ¿Geraemba vani ingi pasi cuintsu ingi'ccu iyiccosundeccu ingi pushendeccu, ingi dushundeccuma'qque itsa'faye ti ingima i? ¡Nane bove ñotssi tsu toequi Egiptoni jaye!”

Números 16:12

Omboe Moisésja manda cuintsu Dotán toya'caen Abiram tsa Eliab dutssiyendeccuma ttusenga'faye. Tsa'ma tsendeccuja su'fa: —Jaye in'jan'fambi gi.

Lucas 19:14

Tsa'ma majan tise aindeccuja tisema chi'gapa cca'indeccuma omboe moen'fa ti'tsse'tssia ande na'sunga qquen condaye: “Va a'ima na'suve tsoñe in'jan'fambi gi.”

Tson'fa'cho 7:35

Qquen tsu Chigaja Moisésma manda Tisema sefacconi'su shondo'suma afaemba. Nane quini'sie anchanda'choye attiamba ya'caen tsu manda. Israendeccu tayoe Moisésma chi'gapa “¿Majan tsu quemajan ingi injama'choma somboen'su na'suve tson?” qquen su'fasi tsu Chigaja tsaveyi na'su ccushaen'suve tsomba moen.