Números 14:2 - Cofán: Chiga Tevaen'jen

² Poiyi'cco tsendeccu tsu Moisés toya'caen Aarónma egae afapa qquen su'fa: “¡Egiptoni tsambi'ta va a'i menia pa'choecan'da bove ñotssiye'can!

Números 14:2 Iomraidhean Croise

1 Reyes 19:4

Tsama catipa ti'tsse joccani a'i menia ja. Fae a'ta pa'cco japa quimbipa dyai fundui'si quini'jin tsosiccuni. Ñombi'yepa paye in'jamba Na'sunga su: “Nanitssi tsu, Na'su. ¡Antteja cuintsu ña paye! Nane ñanda gi ña tayopisundeccuma ti'tsse ñotssimbi.”

Job 3:11

Ña mama ttopani toya can'jembayi pa'choecan'da tsu bove ñotssiye'can. Tsambi'ta isu'jeniñi pa'choecan'da tsu ñoa'me bove ñotssiye'can.

Salmos 106:24

Omboe ñotssia andema chi'gapa Chiga ñoa'metsse su'choma'qque in'jan'fambi.

Salmos 106:25

Tise'pa carpani Na'suma egae afapa tise manda'choma pañambipa ccaningae tson'fa.

Salmos 106:45

Pañamba tise a'i'ccu fae'ngae injancco'fa'choma injan'jemba tise ñoa'me ti'tsse in'jan'choma canjaemba vuiquipa tise'pama ccaningae tson.

Éxodo 14:11

Tsomba Moisésnga su'fa: —¿Egipto andeninda ti atu'ttive me'i'on que tsene ingima somboensi jipa va a'i menia'ni paye? ¿Jongoesie qui ingima tsa'caen tsincon? ¿Jongoesie qui ingima Egiptone somboen?

Éxodo 15:24

Tse'ttinga tsu aindeccuja Moisésma afasepa qquen iñajampaña'fa: “¿Jongoesuma gi cu'ifaya?”

Éxodo 17:3

Tsa'ma aindeccuja tsaqquie'supa Moisésma afase'fa qquen supa: —¿Jongoesie qui ingima Egiptone somboen? ¿Aqquia ingima tsaqquie'sian fi'ttiye ti qui somboen, toya'caen ingi dushundeccu, ingi aiña'choi'ccu fae'ngae?

Jonás 4:3

Na'su tsa'cansi gi quema iñajan junde ñama fi'ttija. Canse'choma bove ñotssi tsu junde ña paye.

Jonás 4:8

Toya'caen coejechiga sombosi Chigaja in'jan cuintsu chiga sombo'jene ju'rutssia fingian jiye. Tsonsi coe'je depa tumbianccuve me'i'onsi tansintsse tise tsovenga desi Jonásja sian'me papa ñoa'me paye in'jan. Tsomba tsu su: —Canse'choma bove ñotssi tsu junde ña paye.

Números 11:1

Fae a'ta israendeccuja Na'su Chigama afaseye ashaen'fa tisupa ma'caen can'jen'chone. Tsa'caen afase'fa'choma pañamba Na'su Chigaja iyicca'yepa si'ngema moesi pa'cco tise'pa can'jen'cho utufa'ye setsa.

Números 11:15

Nane ñoa'me ñame in'jan'cho'ta panshaen tsa'caen ñama tsinconsa'ne junde ñama fi'ttija. Tsa'caen da'ta gi ti'tsse ña vana'jen'choma vanaña'bi.

Números 11:5

Nane injan'jen gi ingi Egiptoni can'jemba aqquiatsse asipa avuma an'jen'choma. Toya'caen gi tseni an'jen'fa pepino, melón, sevoya, totoa sevoya, toya'caen ajoma.

Números 14:1

Osha'faya'bi qquen su'choma pañamba israendeccuja fundo'jeye ashaemba tsequi cose inambai'ccu a'ta'fa.

Números 14:22

Ñoa'me tsu va aindeccuja ña tayopi'su coenzandeccunga afeye su'cho andema atte'faya'bi. Nane ña ñotssiama, toya'caen ña oshacho'choma Egiptone vani a'i menia'qque atte'ma tsa andema atte'faya'bi. Nane a'i menia ña tise'pama fi'ttite ñama tsain'bitsse noñangiamba ña manda'choma pañañe chi'ga'chondeccu tsu tsa andema atte'faya'bi. Ñama chi'gapa ‘Barembi tsu’ qquen su'chondeccupa tsu tsa andema atte'faya'bi.

Números 16:13

¿‘Ñotssi tsu’ qquen ti qui in'jan que ingima chocho, tuño cuñajun'cho shacambitssia ande'ye joqquitssiansi cuintsu va a'i menia qquipoe'supa pa'faye? Toya'caen: ¿‘Ñotssi tsu’ qquen ti qui in'jan ingima ti'tsse joccapitssia na'suve daye qquen in'jamba?

Números 16:41

Ccaqui a'ta poiyi'cco israe'su aindeccu Moisés toya'caen Aarónma afaseye ashaen'fa qquen supa: —Que'i qui Na'su Chigambe aindeccuma fi'tti'je'fa.

Números 17:6

Moisés Na'su Chiga su'choma israendeccunga condasi poiyi'cco israenaccu'su nasundeccu tise'pa accuicco'choma i'fasi doce accuicco'chove boña. Tsa'suni tsu Aarón accuicco'cho'qque ccui.

Números 20:2

Aindeccuja tsa'ccuve metsse dasi poiyi'cco Moisés, Aarónga bopa

Números 20:3

qquen Moisésnga afaye ashaen'fa: —Faesu israendeccuma Na'su Chiga fi'ttijeite ingima'qque fi'tti'choecan'da tsu ñotssiye'can.

Números 20:4

¿Jongoesie qui Na'su Chigambe aindeccuma va a'i menia i'fa? ¿In'jan'fa ti qui ingi tisupa vaurandeccui'ccu fae'ngae paye?

Números 21:5

Utu tsaiquingayi aindeccuja tisu injan'jen'choma qquepa Chiga Quitsa toya'caen Moisésma qquen afase'fa: —¿Jongoesie qui ingima Egiptone somboen'fa? ¿Va a'i menia jipa pa'faye in'jamba ti qui somboen'fa? Nane tsa'ccu ni aña'chove'qque me'cho'fa gi. ¡Panshaen toesu manámeñi amba gi tsangaeyi chi'ga'fa!

1 Corinto'su 10:10

Ni Chigama afase'fajama. Majan tayopi'su israendeccu tsa'caen Chigama iyicca'yepa afasesi Chigaja manda Tisema sefacconi'su shondo'suma cuintsu tise'pama fi'ttiye.

Hebreo'su 3:16

Tsa'caen susi ¿majan tsu tsa'caen Chiga Aya'fama paña'ma in'jambipa Chigama patsu qquen tsincon'fa? Ju, poiyi'cco Moisés angacansi Egipto andene sombopa jacansundeccu tsu tsa'caen tsincon'fa.

Judas 1:16

Tsa egae atesiansundeccuja ñotsse injiengembipa panshaen iyicca'yepa afa'je'fa. Iyicca'yeye in'jamba tsu osha'cho egave ttatta'fa. Tisupa in'janqquia'caeñi tsu tsoñe in'jan'fa. Tisuja ñotssi qquen in'jamba patsuye'yi afa'je'fa. Nane ñotssiama isuye in'jambayi tsu faesuma ñotsse afa'fa.