Números 14:11 - Cofán: Chiga Tevaen'jen

¹¹ Tsa'caen attiamba Na'su Chigaja Moisésnga su: —¿Mi'nge'e tsu aindeccuja ñama chi'gapa ‘Barembi tsu’ qquen su'je'faya? ¿Toya'caen mi'nge'e tsu ñame in'jambiqquia'caen canse'faya? Nane tsain'bitsse tise'panga ña oshacho'choma canjaensi atte'ma tsu ñame in'jan'fambi.

Números 14:11 Iomraidhean Croise

Salmos 106:24

Omboe ñotssia andema chi'gapa Chiga ñoa'metsse su'choma'qque in'jan'fambi.

Salmos 78:22

Nane israendeccuja Chigave in'jambipa tise fuiteye in'jan'chove'qque in'jan'fambisi tsu tsa'caen oque cati.

Salmos 78:32

Tsa'ma Chiga tsa'caen tson'ni'qque tise canjen'choma in'jambipa toya tsu aindeccuja egae tsincomba canse'fa.

Salmos 95:8

“Tayopisundeccuja Meribani injama'choi'ccu se'pipa toya'caen tsequi a'tayi Masah a'i menia'qque pañañe se'pi'fa. Tsa'ma que'i injama'choi'ccu tsendeqquia'caen se'pi'fajama ñama ñoa'me pañañe.

Éxodo 10:3

Tsa'caen susi pañamba Moisés toya'caen Aarón faraóni japa qquen su'fa: —Qquen tsu Na'su Chiga tsa hebreondeccumbe Chigaja quema su: ‘¿Minga'ni qui ñama utu'ccoa've da qquen in'jaña? Antteja cuintsu ña aindeccu japa ñama iñajan'faye.

Éxodo 16:28

Tsonsi Na'su Chigaja Moisésnga su: —¿Mi'nge'e'qque qui ña atesian'choma pañambiqquia'caen ña manda'choma tson'fambi?

Éxodo 23:21

Tise'ye attufa'fajama. Tisema ñotsse paña'faja pañambiqquia'caen tsinconsa'ne. Nane tiseja ñoa'me ña'cantsse afa'su tsu. Que'i egae tsincon'choma aqque'paya'bi tsu.

Éxodo 32:9

Toya'caen tsu Na'su Chigaja Moisésma su: —Tsendeccuma attepa gi in'jan tise'pa pañambiqquia'caen tsincon'fa'choma.

Números 14:27

—¿Mi'nge'e gi va ega Israel aya'fanasindeccui'ccu vana'jeña? Tayo gi paña tise'pa ñama egae afa'je'choma.

Mateo 17:17

Qquen iñajansi Jesúsja su: —Que'i ja'ño'su aindeccuja tansintsse Chigave in'jambipa ccaningae qui in'jan'fa. ¿Min'ge'e gi tsuin'da quei'ccu can'jemba angacaña? I'ngaja du'shuma.

Marcos 9:19

Jesús pañamba su: —¡Ay, que'ija injienge'fambi! ¿Min'ge'e gi que'i'ccuta can'jeña? ¿Min'ge'e gi tsuin'da angacaña? ¡I'faja du'shuma!

Juan 10:38

Tsa'ma Tise tson'choma tso'ninda, ñame in'jambi'a'qque, ña tson'choma attepa in'jan'faja. Tse'i qui atesupa canse'faya ma'ca'me'qque –ña Yayaja ñai'ccu jincho– ña'qque Tisei'ccu jincho.

Juan 12:37

Mapán mi'ge'e Jesús tsa'caen canjan'jaensi atte'a'qque toya tise've in'jan'fambi.

Juan 15:24

Ña cca'i canjaen'choma ti'tsse canjaembiecan'da tise'paja shacapa'biye'can tsu tise'pa egae tsincon'chone. Tsa'ma ja'ño tsendeccuja osha'choma ña tsonsi atte'a'qque ñama chi'gapa ña Yayama'qque chi'ga'fa.

Hebreo'su 3:16

Tsa'caen susi ¿majan tsu tsa'caen Chiga Aya'fama paña'ma in'jambipa Chigama patsu qquen tsincon'fa? Ju, poiyi'cco Moisés angacansi Egipto andene sombopa jacansundeccu tsu tsa'caen tsincon'fa.

Hebreo'su 3:18

Toya'caen ¿majanga tsu Chigata qquenjan ñoa'me su: “Tsendeccuja ñai'ccu ca'ni'faya'bi tsangae opatsse can'jeñe”? Nane toe israendeccuyi tsu. Chigama pañañe in'jambisi Chigaja tsa'caen ca'niñe se'pi.