Números 13:30 - Cofán: Chiga Tevaen'jen

³⁰ Tsama pañamba Calebja Moisési'ccu afa'je'cho aindeccuma ziyaemba qquen su: —¡Jinge japa tsa'su aindeccuma joqquitssiamba tsa andema isuye! ¡Ingija osha'faya gi tsa andema itsaye!

Números 13:30 Iomraidhean Croise

Números 13:29

Néguevnijan amalecitandeccu tsu can'jen'fa. Ccotta'cco'su andenijan hititandeccu, jebuseondeccu toya'caen amorreondeccu can'jen'fa. Toya'caen mar otafa'ye Jordán naeni tsu cananeondeccumbe ande.

Números 13:31

Tsa'ma tisei'ccu fae'ngae japa ji'chondeccuja qquen su'fa: —¡Me'in! ¡Osha'faya'bi gi tsa'su aindeccuma ganañe! ¡Tsendeccuta tsu ingima ti'tsse osha'faya!

Números 14:24

Jo'su ñama shondo'su Calebyi tsu tise injama'cho ccaninga'pa ñoa'me ñama ñotsse in'jamba paña. Tsa'cansi gi tisema antteya cuintsu tise can'ga'cho andenga ca'niñe. Toya'caen tise omba'su dushundeccu tsu tseni tsangae canse'faya.

Romanos 8:31

Tsa'caen tso'ninda ¿jongoe qquen gi su'faya? Chiga ingima in'jan'ninda ¿majan tsu ingima patsuyeja osha?

Romanos 8:37

Tsa'ma osha'chone tsa'caen vana'jemba gi ñoa'me ti'tsse patsu'fa Jesucristo ingima ñotsse in'jansi.

Filipo'su 4:13

Cristo ñama fuitesi gi osha'choma oshacho.

Hebreo'su 11:33

Nane tsendeccuja Chigave in'jamba faesu andesundeccuma patsu'fa. Na'suve dapa israendeccuma ñotsse manda'fa. Chiga tise'pama ñotsse tsoña'choma pañamba in'jan'fa. In'jansi Chigaja tsa'caen tise'pama ñotsse tson. Cca'indeccu tise'pama fi'ttiye ttesinga ttova cati'fasi Chigaja ttesi aya'fama picco tise'pama ansa'ne.