Números 13:17 - Cofán: Chiga Tevaen'jen

¹⁷ Moisésja cuintsu Canaán andema a'tutsse camba atesu'faye moe'jemba qquen su: —Néguev andenga japa ccotta'cco'su andeni ja'faja.

Números 13:17 Iomraidhean Croise

Génesis 12:9

Omboe ccase jaye ashaemba cca'tti cca'tti canjen'ñacca ja Néguev andeni nepiye.

Génesis 13:1

Abramjan tise pushei'ccu, pa'cco tise an'bian'choi'ccu Egipto ande'ye sombopa toequi Néguev andeni ja'fa. Tise quinshimbe du'shu Lot'qque fae'ngae tise'pai'ccu ja.

Génesis 13:17

Tsa'cansi jangipa pa'cco ande bia'sunga attaja'sunga'qque jacamba canjan ña quenga afe'cho andema.”

Génesis 13:3

Néguevni japa cca'tti cca'tti can'jemba Betel canqqueni nepi'fa. Nane toequi tise'pa tayoe can'jeni japa can'jen'fa. Tsaja Betel, Hai canqque enttingeni.

Génesis 14:10

Nane tsa Sidim sinjunccuni tsu tsain'bio rande chango sheque, brea jincho. Quedorlaomer tise'pama patsusi tsa Sodoma, Gomorra nasundeccuja ccuyin japa majanda tsesu changonga amppi ca'ni'fa. Cca'indeccuja ccotta'cconga ccuyin ja'fa.

Números 13:18

Ñotsse in'jamba can'faja tsa andema. Toya'caen tsani can'jensundeccuma can'faja: ¿Osha'faya'cho ti?–tsambi'ta, ¿patsuye'faya'cho? Toya'caen, ¿re'ricco a'i ti?–tsambi'ta, ¿tsain'bitssi?

Números 13:29

Néguevnijan amalecitandeccu tsu can'jen'fa. Ccotta'cco'su andenijan hititandeccu, jebuseondeccu toya'caen amorreondeccu can'jen'fa. Toya'caen mar otafa'ye Jordán naeni tsu cananeondeccumbe ande.

Números 14:40

Tsa'caen pañamba ccaqui a'ta sinte'yi jangipa ccotta'cco'su ande se'fatssianga ansundepa qquen su'fa: —Tayo gi va'tti'fa. Jinge japa Na'su Chiga inginga afeye su'cho andema isuye. Nane ñoa'me gi Chiga suqquia'caen egae tson'fa.

Josué 2:1

Tsa'caen conda nanimba Josuéja Sitim canqqueni can'jemba a'tutsse moe dos a'i cuintsu a'tutsse japa atte'faye. Moe'jemba qquen su: “Japa andema camba Jericó canqquema'qque ñotsse can'faja.” Tsa'caen mandasi Jericóni japa tsa'oma afe'su Rahab tsaoni ca'nimba can'jen'fa.