Números 11:8 - Cofán: Chiga Tevaen'jen

⁸ Toya'caen ancan'ninda tsu harinama yayapai'ccu panme matssanqquian'caen in'jaen. Nane aindeccuja japa tsesuma taipa sun'dapa vuvutssia've tsomba panme matssan'fa.

Números 11:8 Iomraidhean Croise

Génesis 25:29

Fae a'ta Jacob shoccoen'jen'ni Esaúja tsampine quimbipa jipa

Éxodo 16:23

Moisésja su: —Tsa'can tsu Na'su Chiga manda'choja. Tu'i tsu ño'faya'cho a'ta. Nane ño'fapa Na'su Chigama iñajaña'cho a'ta tsu. Tsa'cansi ja'ñoñi sho'ccoeña'chove an'bian'da sho'ccoen'faja. Toya'caen goa'ttiaña'chove an'bian'da goa'ttian'faja. Ja'ño an antteye'choma coira'faja tu'ine.

Éxodo 16:31

Israendeccuja tise'pa taipa an'jen'choma manáme qquen inisian'fa. Tsata tsu tototssi, chipiri culantro choa'can'cho'cco. Nane cuñajun'choa'caen ansintssi tsu.

Números 11:7

(Nane manánda tsu culantro choa'caen chipiri cho'ccopa tumbaqquia'caen quiopacho'cco.

Números 11:9

Poi cose suruno sheque'nijan maná'qque canqquenga sheque'je.)

Juan 6:27

Congonqque'su aña'choma in'jan'fajama. Tsa'ma Sefaccone Ji'cho A'i quenga afe'cho tsangae cansiaña'cho anqque'suma ñotsse in'jan'faja. Chiga Quitsa tsu ñama in'jamba tsa'caen afeye manda antte.

Juan 6:31

Nane ingi tayopisundeccuja a'i menia can'jemba pan'can'cho manáma an'fa. Qquen tsu Chiga Tevaen'jen su: “Sefacconi'su panma afe cuintsu an'faye.”