Números 11:4 - Cofán: Chiga Tevaen'jen

⁴ Toya'caen israendeccui'ccu fae'ngae jacan'cho injanga cansesundeccu jo'su aña'choveyi añe injan'jen'fa. Faesu israendeccuma in'jaensi poiyi'cco i'nañe ashaemba su'fa: “¡Aña'cho te jiñe'can cuintsu ingi an'jeñe!

Números 11:4 Iomraidhean Croise

Salmos 106:14

Tseni, a'i menia tisupayi can'jemba tise'pa in'jangae in'jan'chove iñajamba Chigama qqueñacañe iñajan'fa.

Éxodo 12:38

Tsendeccui'ccu tsu tsain'bitssia a'i faesu aindeccu'qque jaja'fa. Toya'caen tsain'bitssi oveja tsain'bitssi vaura tsu fae'ngae ja'fa.

Éxodo 16:12

—Paña gi israendeccu afase'choma. Tsendeccunga afapa qquen suja: ‘Sime qui aña'choma an'faya. Toya'caen tu'i sinte'ta panma qui tte'pputsse an'faya. Tse'i qui in'jan'faya ñoa'me ñajan Na'su que'i Chigave.’

Éxodo 16:3

qquen supa: —Ma'caen'qque Na'su Chiga ingima Egiptone somboembiecan'da gi tseni pa'faye'can. Tseninda gi aña'cho api'ccu pporotsse dyaipa tteppu'tsse an'jen'fa. Tsa'ma que'ija va a'i menianga i'fa ingi poiyi'ccoma qquipoe'sian fi'ttiye.

Números 11:18

Toya'caen aindeccuma mandaja cuintsu tu'ine tisupama ñoña'faye ñanga ccutsu'faya'chove. Ñoñamba tsu añachoma an'faya. Tayo gi paña tise'pa i'namba qquen su'je'choma: ‘¡Aña'cho te jiñe'can cuintsu ingi an'jeñe! ¡Egiptoninda gi ti'tsse ñotsse canse'fa!’ Nane ñotssi tsu ña tise'panga afesi cuintsu aña'choma an'faye.

Números 14:1

Osha'faya'bi qquen su'choma pañamba israendeccuja fundo'jeye ashaemba tsequi cose inambai'ccu a'ta'fa.

Números 14:22

Ñoa'me tsu va aindeccuja ña tayopi'su coenzandeccunga afeye su'cho andema atte'faya'bi. Nane ña ñotssiama, toya'caen ña oshacho'choma Egiptone vani a'i menia'qque atte'ma tsa andema atte'faya'bi. Nane a'i menia ña tise'pama fi'ttite ñama tsain'bitsse noñangiamba ña manda'choma pañañe chi'ga'chondeccu tsu tsa andema atte'faya'bi. Ñama chi'gapa ‘Barembi tsu’ qquen su'chondeccupa tsu tsa andema atte'faya'bi.

Números 16:13

¿‘Ñotssi tsu’ qquen ti qui in'jan que ingima chocho, tuño cuñajun'cho shacambitssia ande'ye joqquitssiansi cuintsu va a'i menia qquipoe'supa pa'faye? Toya'caen: ¿‘Ñotssi tsu’ qquen ti qui in'jan ingima ti'tsse joccapitssia na'suve daye qquen in'jamba?

Romanos 13:14

Tsa'ma pa'cco ai'vo in'jan'choma chi'gapa Na'su Jesucristo cansepa canjaenqquia'caen canse'faja.

1 Corinto'su 10:6

Chigaja tsa'caen tson ingima candusiamba canjaeñe tayopi'su coenzandeqquia'caen egae in'jamba qque'fasa'ne.

1 Corinto'su 15:33

Tsa'ma afopoeñembe'yi can'faja. “Egandeccui'ccu can'jensi ñotsse in'jan'choma tsu da'ñoña.”