Números 11:25 - Cofán: Chiga Tevaen'jen

²⁵ Tsa'caen tsonsi Na'su Chigaja unjimba'ccoi'ccu andepa Moisésnga afa. Afa nanimba Moisés an'bian'cho Qquendya'pama enttingeve isupa tsa setenta israe'su coenzandeccunga afe. Tsa'caen Chiga Qquendya'pa tise'panga ca'nisi Chiga Aya'fama afa'fa. Tsa'ma ti'tsse tsa'caen afa'je'fambi.

Números 11:25 Iomraidhean Croise

2 Reyes 2:15

Tsonsi Jericó'su Chiga aya'fama afasundeccu tseni isevetsse ccutsusundeccuja tsama attepa su'fa: “Ñoa'me tsu Chigaja Elíasma oshaenqquia'caen ja'ñojan Eliseoma tsa'caen oshaen'jen.” Tsa'caen supa tisenga catsepa andenga puntssan'fa.

Éxodo 32:32

Quema gi iñajan, chigáne tise'pama ñoquija. Tsa'ma ñoquiye chi'ga'ta ña inisema ccuchaja que tevaen'jenga tevaen'choma ña'qque tsendeccui'ccu fae'ngae catiyeye.

Éxodo 34:5

Tsonsi Na'su Chigaja unjimba'ccoi'ccu andepa tseni Moisési'ccu can'jen. Tsa'caen can'jemba tisu inisema conda.

Éxodo 40:38

Nane tsa'caen tsu tson'fa poi israendeccu'su jacan'cho canqque'fa. Poiyi'cco israendeccu tsu poi a'ta Na'su Chiga unjimba'ccoma atte'fa Chigai'ccu cachuicco'je'ttimbe ombama. Toya'caen tsu poi cose ombanga si'ngema atte'fa.

Números 11:17

Tseni gi andepa que'i'ccu condasepa quenga afe'cho Qquendya'pama enttingeve isupa tsendeccunga afeya cuintsu quema fuitepa aindeccuma angacan'faye. Tsa'caen tson'nijan fae'ccoya'bi qui.

Números 12:5

Tise'pa jasi Na'su Chigaja sintssia unjimba'ccoi'ccu andepa carpanga cani'jen'ttinga ccutsu. Andepa Na'su Chigaja Aarón toya'caen Maríama ttu'sesi tise'pa jisi

Números 16:25

Tsama pañamba Moisésja jangipa israe'su coenzandeccui'ccu Datán, Abiram can'jeni ja'fa.

Números 24:2

Tsa'caen camba Balaamjan doce israe'su aindeccuve attufaen'choma attesi Chiga Qquendya'pa tisenga ca'nisi

Tson'fa'cho 11:28

Tsa'caen jipa fa'e Agabo qquen inisecho'cho Chiga Qquendya'pa tisema in'jaensi bo'fa'cho enttingenga ccutsupa poi andenga qquipoesuite napiya'chone conda. Nane tsa'caen su'cho tsu Claudio na'suite tsa'caen napi.

1 Corinto'su 14:32

Nane Chigaja a'ima in'jaemba antte cuintsu tsa a'ija injanga afambe'yi ñotsse tansintsse in'jamba condaye.

Santiago 1:17

Osha'cho ñotssia, osha'cho shaca mechoe inginga afe'chota tsu sefaccone, Chiga Quitsa afe'cho. Nane Chiga Quitsaja coejechiga, cose'suchiga, o'fema'qque sefacconi chanjuñe agattoensi agattoen'choja cambianqque'su. Tsa'ma Chigaja minga'ni'qque cambiambi.

2 Pedro 1:21

Nane tayopi'su Chiga Aya'fama afasundeccuja tise'pa in'jan'choma afa'fambi. Tsa'ma Chiga Qquendya'pa tise'pama in'jaensi tsu ñoa'me Chiga Aya'fama afa'fa.

Jueces 3:10

Na'su Chiga Qquendya'pa Otonielma in'jaensi israendeccuma angacan. Tsa'caen israendeccu Cusan-risataima iyiccoye ja'fasi Na'su tise'pama fuite cuintsu patsu'faye.