Números 11:16 - Cofán: Chiga Tevaen'jen

¹⁶ Tsama pañamba Na'su Chigaja su: —Setenta israe'su coenzandeccuma ñambe boñajan majama que poiyi'cco israendeccuma manda'jeya'chone in'jan'chondeccu'suma. Tsendeccuma ipa ñai'ccu cachuicco'je'tti'su carpani tise'pai'ccu ronda'jeja.

Números 11:16 Iomraidhean Croise

Génesis 46:27

Toya'caen José dos dutssi'ye Egipto andeni isuye'chondeccu. Tsendeccui'ccu tsu setenta a'ive nepi Jacob atapoen'cho Egiptoni nepi'cho aindeccu.

Éxodo 24:1

Na'su Chigaja Moisésnga su: —Ña can'jeni ansundeja, que, Aarón, Nadab, Abiú, toya'caen setenta israe'su coenzandeccui'ccu. Tsa'ma biaccaccatsseyi jipa tse'ttingayi ccaru'faja.

Éxodo 24:9

Tsomba Moisésja Aarón, Nadab, Abiú, toya'caen setenta israe'su coenzandeccui'ccu ccotta'cconga ansunde.

Éxodo 4:29

Tsa'caen condasepa fae'ngae Egiptoni japa israe'su coenzandeccuma boñamba

Jeremías 19:1

Na'suja ñanga qquen su: “Japa apima chavapa majan canqque'su coenzandeccu toya'caen majan Chigama afa'su coenzandeccuma'qque ttu'seja.

Números 11:24

Moisés carpane sombopa japa aindeccunga conda Na'su Chiga tisenga su'choma. Toya'caen setenta israe'su coenzandeccuma boñamba tise cachuicco'je'cho carpanga shoquendi'e ccutsian.

Números 16:25

Tsama pañamba Moisésja jangipa israe'su coenzandeccui'ccu Datán, Abiram can'jeni ja'fa.

Lucas 10:1

Omboe Jesúsja faesu setenta tisema shondosundeccuma ttu'sepa mani tisu jaye tson'jen'ni dosve dosve mandamaña. Majan canqqueni tise jayani tsendeccuma o'tie mandamaña.

Lucas 10:17

Tsa setenta Jesúsma shondosundeccu ja'fa'cho toequi jipa avujatsse bopa su'fa: —Na'su, que inisema afapa gi osha'choma manda'fa. Cocoyama'qque a'iye somboye mandasi tsu sombo'fa.