Números 11:1 - Cofán: Chiga Tevaen'jen

¹ Fae a'ta israendeccuja Na'su Chigama afaseye ashaen'fa tisupa ma'caen can'jen'chone. Tsa'caen afase'fa'choma pañamba Na'su Chigaja iyicca'yepa si'ngema moesi pa'cco tise'pa can'jen'cho utufa'ye setsa.

Números 11:1 Iomraidhean Croise

Génesis 38:10

Tsa'caen tsinconsi Na'su Chigaja tise tsincon'choma chi'gapa Onánma'qque fi'tti.

2 Samuel 11:27

Ñombi'ye'cho pasasi Davidja manda cuintsu ttu'sepa i'fasi tise ettini can'jeñe. Isi tsu Davidja tisema pushe. Omboe tsandie du'shuve isu. Tsa'ma Na'su Chigaja David tsa'caen tson'choma in'jambipa chi'ga.

Job 1:16

Tsa'caen tise afa nani'ccu faesu'qque jipa qquen su: —Tsanda veyaemba ovejama coirasundeccu ovejama'qque oque fi'tti. Jo'su ñañi gi ccushapa ji condaye.

Salmos 106:18

¡Si'nge'qque anchandapa tise'pa aindeccuma metsse sefaen! ¡Nane anchandapa tsu egae tsinconsundeccuma metsse oque cati!

Salmos 78:21

Na'su Chigaja tsama pañamba ñoa'me iyicca'ye. Si'nge anchandenqquia'caen iyicca'yepa Jacob aindeccuma si'ngei'ccu oque cati.

Salmos 78:63

Si'ngenga tsandie dusungandeccuja pa'fa. Nane tsandu'je'fasi settapoen'jen'chove zi'yatssi tsu.

Éxodo 16:7

Toya'caen tu'i sinte qui atte'faya Na'su Chigambe ñotssiama. Nane tayo tsu paña que'i tisema afase'choma. ¿Ñoa'me ingima afase qquen in'jamba ti qui ingima afase'fa?

Éxodo 16:9

Omboe Moisésja Aarónma su: —Poiyi'cco israendeccunga condaja cuintsu Na'su Chiga attian'chonga catse'faye. Nane tiseja paña'jen tisema afase'choma.

Levítico 10:2

Tsa'caen afe'fasi tsu Na'su Chiga can'jen'cho'ye si'ngeja sombopa tise'pama oque fi'tti sefaen. Nane Na'su tsa'caen tsonsi tsu pa'fa.

Números 10:33

Tsa'caen Na'su Chiga ccotta'cco'ye sombopa poi israendeccu tres a'tave fae'ngae tsuipa jayi'fa. Jayi'fasi Na'su Chiga a'i'ccu injancco'fa'cho cafonjan tise'pama o'tie ja tise'pa mani ño'faya'chove tta'ttaye.

Números 11:18

Toya'caen aindeccuma mandaja cuintsu tu'ine tisupama ñoña'faye ñanga ccutsu'faya'chove. Ñoñamba tsu añachoma an'faya. Tayo gi paña tise'pa i'namba qquen su'je'choma: ‘¡Aña'cho te jiñe'can cuintsu ingi an'jeñe! ¡Egiptoninda gi ti'tsse ñotsse canse'fa!’ Nane ñotssi tsu ña tise'panga afesi cuintsu aña'choma an'faye.

Números 12:2

Toya'caen tsu su'fa: “Na'su Chigaja jo'su Moisési'ccuyi afa'jembipa ingi'ccu'qque afa'je.” Tsa'caen su'fa'choma Na'su Chigaja paña.

Números 14:2

Poiyi'cco tsendeccu tsu Moisés toya'caen Aarónma egae afapa qquen su'fa: “¡Egiptoni tsambi'ta va a'i menia pa'choecan'da bove ñotssiye'can!

Números 14:22

Ñoa'me tsu va aindeccuja ña tayopi'su coenzandeccunga afeye su'cho andema atte'faya'bi. Nane ña ñotssiama, toya'caen ña oshacho'choma Egiptone vani a'i menia'qque atte'ma tsa andema atte'faya'bi. Nane a'i menia ña tise'pama fi'ttite ñama tsain'bitsse noñangiamba ña manda'choma pañañe chi'ga'chondeccu tsu tsa andema atte'faya'bi. Ñama chi'gapa ‘Barembi tsu’ qquen su'chondeccupa tsu tsa andema atte'faya'bi.

Números 14:27

—¿Mi'nge'e gi va ega Israel aya'fanasindeccui'ccu vana'jeña? Tayo gi paña tise'pa ñama egae afa'je'choma.

Números 14:28

Japa tise'panga ñane condaja: ‘Ña Na'su Chiga gi ñoa'metsse su: Que'i vana'jen qquen in'jamba iyicca'yepa su'choma pañamba gi ja'ño tsa'caen que'inga tsoña.

Números 16:11

Jo'su Aarónmeñi afase'fambi qui. Tiseja ti'tsse'tssimbi tsu cuintsu que'i tisema afaseye. Ñoa'me Na'su Chigama qui chi'gapa afase'fa.

Números 16:35

Toya'caen tsu Na'su Chigaja si'ngema moemba dosciento cincuenta tsandiendeccuma fi'tti tsa oque oraenqque'su ñome'bama afesundeccuma.

Números 17:5

Ña gi tsoña cuintsu majame ña in'jan'chombe accuicco'choja shoyochoye. Tsa'caen shoyochosi attepa tsu israendeccuja que'ima egae afa'je'choma anttepa ñama noñangiambe can'faya.”

Números 21:5

Utu tsaiquingayi aindeccuja tisu injan'jen'choma qquepa Chiga Quitsa toya'caen Moisésma qquen afase'fa: —¿Jongoesie qui ingima Egiptone somboen'fa? ¿Va a'i menia jipa pa'faye in'jamba ti qui somboen'fa? Nane tsa'ccu ni aña'chove'qque me'cho'fa gi. ¡Panshaen toesu manámeñi amba gi tsangaeyi chi'ga'fa!

1 Corinto'su 10:10

Ni Chigama afase'fajama. Majan tayopi'su israendeccu tsa'caen Chigama iyicca'yepa afasesi Chigaja manda Tisema sefacconi'su shondo'suma cuintsu tise'pama fi'ttiye.

Hebreo'su 12:29

Ñoa'me ingi Chigaja si'ngia'caen tsu Tise've in'jambindeqquiama tsangae oque catiya.

Santiago 5:4

A'ima taiñamba qui afopoemba ñotsse afepoen'fambi. Tayo tsu Chiga Quitsa, tsa sefacconi'su sundarondeccumbe Na'su, paña'jen taisundeccu i'namba iñajan'jen'fa'choma.

Judas 1:16

Tsa egae atesiansundeccuja ñotsse injiengembipa panshaen iyicca'yepa afa'je'fa. Iyicca'yeye in'jamba tsu osha'cho egave ttatta'fa. Tisupa in'janqquia'caeñi tsu tsoñe in'jan'fa. Tisuja ñotssi qquen in'jamba patsuye'yi afa'je'fa. Nane ñotssiama isuye in'jambayi tsu faesuma ñotsse afa'fa.