Mateo 5:3 - Cofán: Chiga Tevaen'jen

³ —Que'i majan tisutsseyi Chiganga catseye oshambi qquen in'jan'da ñoa'me qui avujatssi'fa. Chigama na'sian'cho aindeccuve qui da'faya.

Mateo 5:3 Iomraidhean Croise

Job 42:6

ña egae in'jan'choma catipa tisuma'qque chi'gapa cusepa ccuttopa'singa onjomba dyai ña ñombi'ye'choma canjaeñe.

Salmos 1:1

Avujatssi tsu tsa a'i majan ega aindeccu su'choma pañambe, ni egae tsinconsundeccu tson'chove tsombe, ni Chigave in'jambipa feñasundeccui'ccu fae'ngae afasembe canse'cho.

Salmos 112:1

¡Ñotssi tsu Na'su Chigaja! ¡Avujatssi tsu tsa a'i, majan Na'suve in'jamba tise manda'choma pañamba tson'su!

Salmos 2:12

Nane tsa'caen tsombi'ta qui tse'faei'ccuyi pa'faya Na'su junde iyicca'yesi. Poiyi'cco tise've in'jamba coirayeye ji'chondeccuja ñoa'me avujatssi'faja.

Salmos 34:18

Na'suja pporotssi tsu. Nane majan injama'cho tsosipie ñombi'yepa oshambisi junde tsu Na'suja tsama ccushaeña.

Salmos 51:17

Tsa'ma ñoa'me tisu egae tson'choma chi'gapa Chigama in'jamba iñajan'cho tsu Chigama avujaen. Tisu egae tsincon'chone ñombi'ye'ninda tsu Chigaja chi'gaya'bi.

Isaías 61:1

Na'suja tisumbeve ñama ttu'sesi tise Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Nane picco'je'ttima fettasi jaya'chone gi condaseya.

Isaías 66:2

¡Nane ña gi osha'chove agattoen'su! Ña agattoensi tsu osha'choja jincho. Qquen gi ña, Na'suja su.”

Mateo 11:25

Tse'i Jesús Chiga Quitsama qquen iñajan: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Va ande'su injama'pandeqquianga qui Tisuma canjaembi. Tsa'ma injama'pandeqquianga Tisuma canjaembipa qui va du'shiacandeqquianga Tisuma canjaen. Nane ñotssia du'shu pañaqquia'caen tise'paja ñotsse pañamba in'jan'fa.

Mateo 11:6

Majan ñame in'jamba ansangembi'ta ñoa'me tsu avujatssi'faya.

Mateo 13:16

Tsa'ma que'ija ñoa'me avujatssi'fa. Que'i tso'fei'ccu attepa qui in'jan'fa. Que'i tsonsinai'ccu pañamba qui in'jan'fa.

Mateo 19:14

Jesús attepa su: —Antte'faja cuintsu dushundeccu ñanga ji'faye. Se'pimbe can'faja. Nane Chigama na'sian'cho aindeccuja va dushundeqquia'caen ñame in'jamba ji'fa.

Mateo 24:46

Nane avujatssiya tsu tsa semoen'su, tise na'su toequi jisi na'su mandaqquia'caen tson'da.

Mateo 25:34

Tsa'caen attufaemba na'su tsu tise tansinfani ccutsu'chondeccuma suya: “Ña Yaya tsu que'inga ñotsse tson. Ji'faja. Jipa Tise que'imbe ñoña'choma isu'faja. Nane andeve agattointene que'i Tise aindeccuve daya'chove in'jamba ñoña'choma jipa isu'faja.

Mateo 3:2

Qquen tsu candusian: —Que'i egae tsincon'choma chi'gapa cati'faja. Ca'tsa tsu napiji ingi Chigama na'sian'cho aindeccuve da'faya'cho.

Mateo 8:11

Toya'caen gi su: Tsain'bio a'i coejechiga sombo'jene, chiga amppi'jene'qque jipa Chigama na'sian'cho aindeccuve dapa Abraham, Isaac, Jacobi'ccu fae'ngae dyaipa an'faya.

Marcos 10:14

Iyu'je'fasi Jesús attepa iyicca'yepa su: —Antte'faja cuintsu dushundeccu ñanga ji'faye. Nane tise'pama se'pimbe can'faja. Majan Chigambe a'ija va dushundeqquia'can tsu.

Lucas 11:28

Tsa'ma Jesúsja su: —Ju, tsa'ma majan Chiga Aya'fama pañamba tson'da tsa tsu ti'tsse avujatssi.

Lucas 18:14

Ñoa'me gi su, impuestoma isu'suja avujatsse tise tsaoni ja tayo Chiga tise egae tsincon'choma joqquitssiansi. Tsa'ma Fariseoja me'i. Injanga afapa ja. Nane poiyi'cco majan patsuye in'jan'da bove'ccoe tsu da'faya. Tsa'ma poiyi'cco majan patsuye in'jambi'ta ti'tsse joccapitssia've tsu da'faya.

Lucas 22:29

Chiga ña Quitsaja tayo tsu ñama na'suve manda. Tsonsi tsa'caen gi ña'qque que'ima na'suve manda cuintsu

Lucas 22:30

ña na'suve dasi que'i'qque ñai'ccu ña an'jen'cho mesanga fae'ngae amba cu'i'faye. Que'ija na'su dyaipa'chonga dyaipa qui poiyi'cco israendeccumbe injama'choma somboeñe manda'faya. Toya'caen tsu Na'suja su:

Lucas 4:18

Chiga Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Ñama manda cuintsu binindeccu atte'faye. Ña gi noñangiañesundeccuma ccushaeña.

Juan 20:29

Jesúsja su: —Tomás, ñama attepa qui in'jan. Ñoa'me avujatssi'fa tsu majan ñama attembe in'jan'chondeccu.

Deuteronomio 8:2

Ñotsse injan'jen'faja Na'su, que'i Chiga, cuarenta canqque'fave que'ima a'i menia angacan'choma. Nane atesucañe in'jamba que'ima vanaemba opatssia've tson que'i injama'choma atesuye. Ñoa'me tsu atesuye in'jan que'i tise manda'choma paña'chove tsambi'ta pañambi'choa've.

Santiago 1:10

Toya'caen Chiga in'jansi majan osha'choma an'biamba qqueña'da me'ccoe da'a'qque tsu avujaya'cho. Nane shoshovi te'ta pandipa paqquia'caen tsu tise'qque pasaya.

Santiago 1:12

Majan a'i vana'jen'ma, toya egae tsincombe'yi canse'ta ñoa'me tsu avujatssiya. Tsaja tsa'caen ñotsse cansesi Chigaja Tisema in'jamba antteya cuintsu tsangae canseye. Nane a'i gana'sunga otifaccuma afeqquia'caen Chigaja tayoe tsangae canseya'chove antteye su majan Tisema in'jan'chondeccunga.

Santiago 2:5

Ña in'jan'cho faenga'su Cristove in'jan'chondeccu, vama paña'faja. Chigaja va ande'su mendeqquiama in'jamba antte cuintsu tsendeccu Tise've in'jamba ricove daqquia'caen Tise dutssiyendeccuve da'faye. Tsa'caen tsu Chigaja tayoe ñoa'me su tisema in'jan'chondeccune.

Canjaen'cho 19:9

Tsonsi sefacconi'su shondo'su ñama su: —Vama tevaenjan. “¡Poiyi'cco majan Chigambe Oveja pushe'jepa fiestaen'jen'chonga ttuseye'chota tsu avujatssi'faya!” Toya'caen tsu su: —Qquen tsu Chiga Quitsaja ñoa'me tansintsse su.

Canjaen'cho 22:14

Poiyi'cco majan tise'pa ondiccu'jema giya'tsse ma'ppan'da ñoa'me tsangae avujatssi'faya. Tsendeccuja Chiga canqque'su sombo'tti'ye ca'niñe osha'faya. Ca'nimba Cansiaña'cho Quini'cco'su teta'choma añe osha'faya.

Canjaen'cho 3:17

Nane “ñajan rico” qquen qui su. “Osha'choma boñamba shacambitsse gi can'jen.” Tsa'ma qquen su'a'qque qui toya atesumbi. Ñoa'me qui pori, va'cha, me'detsse canse. Ñoa'me binimba chu'ccopa egae tsincomba canse.